A Mariña, 21 de outubro de 2014.- O BNG mariñao fixo unha valoración de urxencia sobre o os orzamentos da Xunta para 2014 afirmando que o goberno galego elaborou uns orzamentos con fins puramente electorais que tratan de tapar con parches os compromisos incumpridos dos últimos anos. Claro exemplo desta folla de ruta é o millón de euros previsto para o Hospital da Costa e as previsións para os próximos dous anos que non permitirán o remate desta actuación antes de seis ou sete anos mentres a comarca perde autonomía de xestión, persoal sanitario e calidade asistencial tanto en asistencia primaria como en especializada en beneficio de Lugo.
A portavoz comarcal nacionalista, Ana Ermida Igrexas, explicou que é unha realidade incuestionábel, “o abandono da comarca non se soluciona con parches de ladrillo e formigón colocados en función dos intereses partidistas do PP”.
Para a nacionalista os orzamentos non solucionan os grandes problemas da comarca e están dirixidos a servir aos intereses electorais do PP nas próximas eleccións municipais. Neste sentido situou a partida consignada para a VAP da Costa entre San Cibrao e Celeiro, “un tramo que nace morto ao non ter continuidade cara o occidente da comarca polos retrasos na execución do tramo estatal e tampouco cara Ferrol, porque o PP paralizou a variante de Viveiro para ter unha escusa que evite cumprir o prometido remate deste viario ate Ferrol antes de 2017.”
Na mesma liña considerou que “as promesas de Feijoo sobre a ampliación do Hospital da Costa quédanse en anuncios sen continuidade nin consecuencias prácticas”, “o millón de euros previsto para 2015 e as previsións para os próximos dous anos fan que o remate desta actuación non se prevea antes de seis ou sete anos, mentres a comarca segue perdendo autonomía de xestión sanitaria, persoal sanitario e calidade asistencial tanto en especializada como en primaria en beneficio de Lugo”.
A nacionalista cualificou as valoracións dos dirixentes do PP na comarca de “sobre actuación eufórica” cando son reponsábeis por acción e omisión de non defender ante o seu partido a importancia cualitativa e cuantitativa da Mariña no ámbito socioeconómico e demográfico. Neste sentido especificou que o Partido Popular garantiu que a creación da área de Xestión Integrada con dirección en Lugo permitiría manter competencias á Mariña “en recursos económicos, recursos humanos, infraestruturas e prestación de servizos, tanto no Hospital da Costa como nos centros de saúde da área sanitaria mariñá(Pilar Farjas 12/05/2010)”, cando a realidade di todo o contrario porque actualmente a xerencia executiva do Hospital da Costa convertérona en simple transmisora das ordes emitidas desde a xerencia provincial.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
