Barreiros, 3 de outubro de 2014. O BNG de Barreiros mostrouse crítico coa convocatoria da comida para maiores que o concello barreirense convoca para o vindeiro 11 de outubro. “Non cremos que sexa casualidade que a última comida que organizaran fora no 2010, xusto o ano antes das anteriores eleccións municipais”, aseguran dese o BNG. “Despois desas houbo outras comidas dirixidas ao mesmo público, incluso coa mesma tipoloxía na convocatoria (tal e como xa denunciara daquela o BNG), que foron convocadas polo Partido Popular”, explican. Os nacionalistas preguntan “cál é a diferenza entre a comida do 2011 á que acudiu Alfonso Rueda e esta comida convocada agora polo concello.”
A formación nacionalista acusa ao Partido Popular de actuar “sen ningún tipo de escrúpulo, mentindo deliberadamente sobre a situación económica do concello. O luns que vén hai pleno e vai a aprobación da conta xeral do 2013, na que se reflicten os resultados orzamentarios negativos. A única razón para convocar esta comida, con autobuses gratuítos polas parroquias, é que o ano que vén hai eleccións”, aseguran os nacionalistas.
Desde o BNG barreirense cren que “o normal sería que se a situación económica mellorara, que non é certo, se adoptaran medidas sociais reais: axudas, redución de custes do servizos sociais como a atención a domicilio, ou a posta en marcha do servizo de transporte gratuíto desde as parroquias durante todo o ano, que puidera facilitar a asistencia das persoas ao centro de saúde, farmacias e outros servizos que hai en San Cosme.” Desde o BNG recordan que esta é unha medida que os nacionalistas recollían no seu programa electoral e que as persoas maiores agradecerían moito máis que unha simple comida anual. Neste sentido, o BNG defenderá esta proposta no pleno municipal que se celebrará o vindeiro luns.
A portavoz municipal en Barreiros, Ana Ermida, afirmou que “o BNG non vai participar dun acto electoral para gloria do PP pagado con cartos de todas e todos. E menos, nun concello que ten unha débeda recoñecida de 2,5 millóns de euros e que vai estar pagándoa ata o ano 2032. Un concello no que o prezo dos servizos sociais se multiplicou nos últimos anos e as persoas maiores están totalmente esquecidas polo goberno municipal e son utilizadas como mercadoría electoral”, concluíu.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
