O Burela FS Pescados Rubén buscará este sábado (18.30 horas) os primeiros puntos de liga, na cuarta xornada de Primeira División, coa visita a Vista Alegre de Peñíscola Bodegas Dunviro, que vén de dar a sorpresa coa vitoria ante o todopoderoso FC Barcelona (3-2).
Os mariñáns agardan os castellonenses coa intención de que os tres puntos non saian da Mariña. “Ata o momento tivemos partidos moi complicados e non dispuxemos das mellores condicións; o calendario, as sancións e as lesións non deron moitas facilidades ata agora”.
A escuadra de Juanlu recibe o Peñíscola sen ausencias, co regreso do olfacto goleador de Matamoros, tras cumprir un partido de sanción. “Fóra dalgunhas molestias é a primeira vez que podemos dispoñer con todo o vestiario e esa é a mellor das noticias para volver xogar na casa” aseguraba o técnico laranxa que tamén puntualizaba sobre a saúde de Chano indicando que “ten a alta médica aínda que está recuperando a condición física adecuada”.
O rival da bomboneira chegou esta mañá a Burela con 6 puntos na cuadrícula; xunto ao último triunfo ante os cataláns, tamén se impuxeron na primera xornada ao Montesinos (2-1) e caeron nunha cita de goles fronte ao Inter Movistar a domicilio (6-4), na segunda.
“Será un partido moi complicado ante un rival de primeiro nivel que está facendo moi bo inicio de liga, cun cadro con potencial e confianza que destaca máis polo bloque que polos nomes; dispón de xogadores novos que co paso das tempadas darán moito que falar”.
O Peñíscola realizará o último adestramento da semana esta tarde en Vista Alegre (18.30 horas).
Convocatorias
Burela FS Pescados Rubén: 1. Edu, 3. Jorge Bellvert, 5. Iago Míguez, 7. Isi, 10. Matamoros, 11.Chano, 13. Álex, 14. Miguel, 27. Carlitos, 23. Antoñito, 30. Hélder. 29. Ángel
Peñíscola Bodegas Dunviro: 1. Chema, 4. Yeray, 5. Ureña, 7. Carlos Anós, 8. Charly Maza, 9. Juanqui, 10. Fran Conde, 11. Solano, 12. Míchel, 14. Asensio, 15. Iván, 16. Javi Alonso, 18. Gonzalo, 19, Pau, 25. Boris (pendente de confirmación)
Árbitros: Gallo Suárez e Velasco Martínez.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
