Burela, 10 de outubro de 2014. A concelleira de Servizos Sociais, Muller, Igualdade e Sanidade, Diana Durán, quere manifestar a súa satisfacción polas subvencións de preto de 70.000 euros que lle concedeu a Secretaría Xeral da Igualdade da Xunta ao CIM de Burela. Tamén agradece e anima aos Concellos de Alfoz, Cervo e O Valadouro a continuar conveniados con Burela “coa finalidade de acadar unha igualdade efectiva e real entre mulleres e homes e traballar conxuntamente cara a erradicación da violencia de xénero, pois non hai que esquecer que os esforzos conxuntos producen máis froitos que o traballo illado de cada concello”.
A edil popular sinalou que “para o funcionamento do CIM a subvención que recibimos ascende a 64.859 euros, que é o máximo para as características que presenta o CIM de Burela ao que se pode optar, superando a nivel galego a CIM´s de grandes cidades. A concesión desta axuda máis a achega para o desenvolvemento de programas supón preto de 70.000 euros, que se traduce na garantía da continuidade do CIM, así coma dos programas de prevención, sensibilización e concienciación. Pensamos que é a recompensa ao traballo desenvolvido a través do CIM, servizo dende o que se loita pola promoción da igualdade e a prevención da violencia de xénero, pero sobre todo por prestar atención especializada ás vítimas de violencia machista”.
Diana Durán subliña que “o CIM de Burela é o máis destacado da provincia de Lugo, tanto polas prestacións que ofrece, coma pola cantidade de demandas atendidas e a calidade na atención das profesionais que o conforman. Así o demostrou a puntuación acadada para optar á subvención que a Secretaría Xeral da Igualdade da Xunta convocou para este 2014. Concretamente, no proxecto presentado especificábanse, entre outros, as áreas nas que se traballa, o número e o tipo de consultas que se atenderon e as profesionais adscritas a este servizo”.
A concelleira de Muller e Igualdade aludiu “ao bo funcionamento do CIM e á cantidade de mulleres atendidas no mesmo, non só de Burela, senón tamén doutros concellos veciños que non dispoñen deste servizo”. E lembra que “se atenden áreas coma a xurídica, orientación profesional, emprego, recursos, información sobre axudas que ofrece a Secretaría Xeral de Igualdade, atención psicolóxica, coeducación, tempo libre e outras”. Durán eloxia o traballo das profesionais do CIM de Burela “que fai que sexa o cabeceira da provincia. Esta subvención recibida garante a continuidade das tres profesionais que conforman o centro: asesora xurídica, psicóloga e administrativa e tamén conta co servizo de teletraducción para a atención de mulleres que non empregan a nosa lingua, e que comezou a funcionar en agosto de 2012, seguindo vixente na actualidade. Con todas estas actuacións e outras como é Educando en Familia, cursos de tempo libre para mulleres, etc, cumprimos coas liñas de actuación recollidas dentro das accións do III Plan de Igualdade de Oportunidades entre Mulleres e Homes do Concello de Burela”.
A edil popular lembrou que “hoxe en día cada vez máis se está a destapar a problemática de discriminación e violencia de xénero que as mulleres veñen sufrindo ao longo da historia da humanidade, e querémoslle recordar a todas as mulleres mariñanas que teñen á súa disposición no Concello de Burela un Centro de Información ás Mulleres, que é un servizo pensado para apoiar á muller, proporcionándolle toda a información necesaria para solucionar o problema ou problemas que estea a padecer. Unha vez mais, o alcalde, José González Barcia, e o seu equipo de goberno amosan o seu compromiso en todo momento coas políticas sociais, conferíndolle aos Servizos Sociais a importancia que merecen en todos os seus ámbitos en xeral e, en particular, naqueles colectivos con necesidades específicas”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
