Foz, 27 de outubro de 2014. Foz é o concello da provincia de Lugo elixido pola Consellería de Cultura para acoller un proxecto que achegara o cine a catro localidades galegas que non teñen salas comerciais. Esta iniciativa, denominada Cinemas de Galicia, foi presentada este luns en Santiago de Compostela cun acto no que participou o alcalde focense, Javier Jorge Castiñeira.
O rexedor municipal de Foz explicou: “vimos de presentar co conselleiro de Cultura, co director da Axencia Galega das Industrias Culturais (Agadic) e cos alcaldes dos outros tres concellos participantes a rede de Cinemas de Galicia, na que Foz é o concello da provincia de Lugo elixido para levar adiante este proxecto piloto que patrocina o Agadic cos concellos participantes. Neste caso Foz pon o salón de actos do Cenima para facer as proxeccións”.
Javier Castiñeira engadiu que “son catro concellos que, aínda que teñen envergadura (Foz, Sanxenxo, O Carballiño e As Pontes) non contan con sala de proxección de cine e trátase de achegar o cinema galego aos veciños destas localidades co obxectivo de expandilo despois polo resto dos concellos de Galicia. É un bo momento para arrancar con esta iniciativa que vai permitir que Foz teña cine no salón de actos do Cenima a partir do mes de novembro. Proxectarase unha película cada 15 días aproximadamente; estanse valorando as datas pero seguramente serán en días de semana en horario de tarde noite”.
O alcalde comentou que “estamos moi ilusionados, porque a verdade é que fai falta. É unha actividade moi boa para facer promoción do cine galego e o sector cinematográfico de Galicia está tamén moi involucrado neste proxecto. Despois das malas noticias que tivemos nestes últimos días porque os salas de cine comerciais están pasando dificultades esta é unha moi boa nova porque o Cenima de Foz vaise converter en cine. Cobrarase unha entrada de tres euros, que é igual para os catro concellos que vamos formar parte desta experiencia piloto”.
Castiñeira rematou animando a todos os focenses a asistir “unha vez saia a programación das películas que se van proxectar, que serán actuais e incluso no Nadal queremos facer unha programación de filmes infantís. Esperemos que isto sexa o principio dunha experiencia bonita e hai que agradecer á Consellería de Cultura e a Agadic que elixira a Foz, no centro da Mariña, para esta iniciativa”.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
