O equipo de goberno de Viveiro, co ánimo de mellorar os servizos urbanos do municipio, pretende acometer, entre outras, as obras de mellora da instalación de abastecemento de auga ás parroquias de Landrove, Chavín, Valcarría e San Pedro.
Na actualidade, as roturas desta instalación son continuas, causando graves deterioros e molestias aos veciños de todas estas parroquias. O problema destas roturas fundaménta-se nas características da tubería de abastecemento, ao tratarse dunha tubería de fibro-cemento de diámetro 125 mm dunha antigüidade aproximada de 30 a 40 anos. A antigüi-dade desa tubería, así como as características do material, non soportan nin o caudal nin a presión da rede, o que propicia contínuas roturas na instalación.
En base a estes condicionantes e co obxectivo de garantir un bo servizo de abastecemen-to de auga potable aos habitantes desta zona do municipio, substituirase a tubería actual por outra de polietileno de diámetro 160 mm, co obxectivo de garantir o bo servizo da ins-talación.
O expediente para a realización desta obra xa está aprobado e a contratación realizarase mediante procedemento negociado; xa se remitiron as invitacións ás empresas para a presentación de ofertas e, previsiblemente, a contratación realizarase nas vindeiras se-manas.
Con esta obra, cuxo presuposto de contrata ascende a 30.992,06 €, o concello soluciona-rá o problema existente na rede de abastecemento de auga das parroquias de Landrove, Chavín, Valcarría e San Pedro, demostrando o seu compromiso para mellorar as infraes-truturas e servizos urbanos municipais.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
