Lourenzá, 28 de outubro de 2014.- A Concellería de Educación do Concello de Lourenzá anunciou hoxe que xa está a tramitar os bonos desconto para todos aqueles estudantes que se despracen aos seus centros de ensino en autobuses pertencentes á empresa Arriva. Os descontos irán dende o 15 por cento de rebaixa para os bonos de 10 viaxes ata o 50 por cento nos bonos de 60 desprazamentos. Ademais, como novidade este ano, as axudas poderán aplicarse a todo tipo de estudantes e non só a universitarios, como viña sendo habitual. A validez dos bonos tamén varía e estes pasan a ser útiles durante todo o curso escolar, caducando o 31 de xullo do 2015 e non aos tres meses coma ata o de agora. Os interesados poden solicitar xa os seus descontos na Oficina de Información Xuvenil, situada na Biblioteca Municipal, en horario de 17:00 a 20:00 horas, presentando o seu DNI e a información referente á ruta que realizan.
A concelleira de Educación de Lourenzá, Lupe Flórez Seivane, explicou que “na Oficina Municipal de Información Xuvenil (OMIX) tramitamos xa os bonos para estudantes do concello de Lourenzá que fagan algunha ruta coa empresa de transportes Arriva. Ata o de agora estes bonos eran só para estudantes universitarios, pero houbo unha serie de modificacións en canto aos importes e a validez de ditos bonos. Agora, como novidade principal, poderaos solicitar calquera estudante. Non ter que ser universitario, senón que vale con que estea cursando calquera tipo de estudos de Bacharelato, FP ou outros, sempre e cando estas viaxes se fagan coa empresa Arriva”.
A edil destacou que “os bonos de 10 viaxes terán un 15 por cento de desconto; os de 20 viaxes, un 25 por cento; os de 30 viaxes, un 35 por cento; e os de 60 viaxes, un 50 por cento. Outra das novidades é que a caducidade destes bonos, que ata o de agora era de 3 meses dende a data en que se solicitaban, pasa a vencer o día 31 de xullo de 2015. Polo tanto, son bonos que se poden gastar ao longo de todo o curso escolar. Isto é unha gran vantaxe, xa que ao non ter esa caducidade toda a xente que non viaxe tan a miúdo ten a opción de conservalos ata finais de curso. Por outra banda, para a tramitación dos mesmos só precisamos que os estudantes se acheguen, se son menores de idade en compañía dun proxenitor ou titor legal, á biblioteca municipal en horario de 5 a 8 da tarde. A documentación que deberán presentar é unha foto de carné e a información pertinente da ruta da viaxe que realizan coa empresa Arriva”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
