O Burela FS Pescados Rubén disputará mañá a sétima xornada de Primeira División LNFS na pista de DLink Zaragoza (20.45 horas, Siglo XXI) buscando resarcirse do amargo empate de Vista Alegre ante Magna Navarra (4-4). “Viaxamos con ganas de quitarnos esa espiña; fixemos un bo partido pero non soubemos pechalo” reflexionaba Juanlu sobre o último compromiso, incidindo na relevancia de puntuar en terras mañas: “É unha cita moi importante en si mesma pero tamén tendo en conta as dúas próximas xornadas do calendario, coa visita de ElPozo a Burela e co desprazamento á sempre difícil pista do Marfil”.
Por diante dos da Mariña (4 puntos), o DLink Zaragoza (7 puntos) recibe os galegos tamén con ganas de puntuar, tras vir de caer ante Inter (1-3) e Barcelona (6-3), rivais que cortaron a súa boa racha inicial (Santiago 4-5 -2ª xornada-, Ribera Navarra 3-3 -3ª xornada- e Montesinos 4-5 -4ª xornada-). “É un rival moi incómodo, cunha defensa moi particular que obriga os equipos a modificar a súa forma de xogar. Se te adaptas ben a esa zona presionante podes sacar adiante o partido, se non é el quen gaña en perigo e consegue o control do encontro” analizaba o técnico laranxa, quen recoñecía na figura de Retamar “a brúxula” do Zaragoza.
Xunto aos prometedores Hélder e Ángel tamén viaxou Renato, ante a ausencia de Miguel, que xa non dispuxo de minutos ante Magna Navarra por unha contusión ósea. Convocatoria Burela FS Pescados Rubén: 1. Edu, 3. Jorge Bellvert, 5. Iago Míguez, 7. Isi, 10. Matamoros, 11.Chano, 13. Álex, 17. Carlitos, 23. Antoñito, 27. Renato, 29. Ángel, 30 Hélder.
Venda anticipada
Vista Alegre xa se prepara para o próximo Día do Club, o sábado 1 de novembro, coa visita de ElPozo Murcia (18.30 horas). A venda anticipada estará aberta dende o luns 27 de outubro na sede do CD Burela FS Pescados Rubén, de luns a venres (10.00-14.00 // 16.00-19.00).
PREZOS PARA SOCIOS
Abono Individual: 5 euros
Abono Familiar: 5 euros/entrada
Abono Estudante: 5 euros
Abono Xuvenil: 5 euros
Abono Xubilado: 5 euros
Abono Infantil: 1 euro
PREZOS PARA NON SOCIOS
Maiores de 14 anos: 20 euros
De 0 a 13 anos: 3 euros
*Foto: A Caixa Escura Producións.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
