Mondoñedo, 23 de outubro de 2014.- O Partido Popular de Mondoñedo insta ao alcalde da localidade, o nacionalista Orlando González, a que se posicione e diga se está de acordo coa proposta que veñen de anunciar os socialistas de converter o Mirador de Mondoñedo nun albergue de peregrinos.
Os populares consideran que se está ante unha proposta que “lonxe de xerar riqueza na localidade, afasta aos peregrinos do núcleo mindoniense”, polo que “se ao nacionalista lle interesan iniciativas que lle dean un pulo económico e social ao municipio, desbotará esta dos socialistas, que ten un efecto contrario”.
Neste senso, os populares locais aseguran que a súa liña de traballo “é moi diferente”. “Interésanos Mondoñedo polo que defenderemos só propostas que ao mesmo tempo que poñen en valor os recursos do municipio, tamén xeran riqueza na localidade”.
Un edificio que se deteriorou nas mans dos socialistas
Os populares denuncian a incapacidade da Deputación á hora de xestionar e manter coidadas as infraestruturas da súa propiedade. “Recibiron unhas instalacións que estaban en uso e agora atópanse totalmente desfeitas pola súa indiferenza”.
O PP de Mondoñedo lembra que os populares presentaron en xaneiro unha moción na Deputación para que o ente lucense puxese en valor este inmoble, sendo apoiada co voto a favor tanto de socialistas e nacionalistas. “O compromiso de reactivalo non pasa por regalalo en mal estado”, matizan dende o PP.
Dende o 2011 que a Deputación, unha vez xa en estado ruinoso, intentou malvender o edificio “os socialistas non fixeron nada e a falta de actuación foi total, e agora veñen cunha proposta máis negativa que positiva para a localidade”.
Unha proposta máis propia dunha broma
Os populares consideran, polo tanto, que o alcalde de estar interesado por Mondoñedo “non pode estar a favor dunha proposta que máis que unha iniciativa que implique un pulo para a localidade, semella ser unha broma”.
“Se esta proposta dos socialistas fose boa, o propio Besteiro se achegaría a presentala a Mondoñedo, xa que somos coñecedores do moito que lle interesa a foto”, explicaron os populares.
Esperanza González, máis centrada na estratexia política que en escoitar aos mindonienses
O PP lamenta que a primeira iniciativa que presenta a tenente de alcalde socialista “sexa unha proposta que non xere riqueza na localidade”. “Queremos saber se o alcalde comparte esta actitude”.
Os populares quéixanse de que a socialista estea máis centrada en estratexias políticas, que en escoitar aos mindonienses e captar investimentos para a localidade. “Nótase que isto foi o que aprendeu de Pepe Blanco, as manobras políticas a seguir para botar balóns fora e desfacerse dun morto”.
“A tenente de alcalde debe cumprir coa responsabilidade de resolver os problemas que derivan do posto que ocupa; xa que non só é concelleira en Mondoñedo senón que tamén comparte partido coa institución responsable do Mirador”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
