Ribadeo, 23 de outubro de 2014. Polos aseos da praia das Catedrais pasaron desde o 16 de xullo ao 21 de setembro máis de 28.000 persoas, cifra que lle supuxo uns ingresos ao Concello de 14.188 euros. O concelleiro de Medio Ambiente, Horacio Cupeiro, subliña que os visitantes estiveron contentos coa limpeza dos baños e considera que “os veciños tamén deben estalo por intentar facer o servizo sostible no tempo”.
O edil nacionalista contou esta tarde que “unha vez feito balance no referente aos baños das Catedrais podemos comunicar aos nosos veciños que dende o Concello estamos contentos do resultados acadados tanto economicamente como no aspecto hixiénico sanitario. Os datos reflicten uns ingresos de 14.188 euros e uns gastos de 26.809. Polo tanto tivemos un déficit de 12.620 e isto foi debido a que no mes de xuño e na primeira quincena de xullo non puidemos cobrar porque a ordenanza non se podía aplicar. Dispensáronse 28.377 tíckets e o día de maior número foron 800”. A ecotaxa nos aseos das Catedrais aplicouse por primeira vez neste 2014 e estivo vixente desde o 16 de xullo ata o 21 de setembro. Horacio Cupeiro considera que “si se tivera implantado desde o 1 de xuño poderían cubrirse integramente coa ecotaxa os gastos ocasionados”. Ese déficit de máis de 12.000 euros asúmeo o Concello de Ribadeo.
O concelleiro de Medio Ambiente indicou que “os gastos máis importantes foron os de persoal, xa que creamos tres postos de traballo durante 4 meses; en vestiario para o persoal; en material, sobre todo deterxente, pero tamén papel hixiénico e de mans; o baleirado da fosa séptica e a limpeza dos seus lodos; a gasolina da motobomba; os tíckets; e un panel informativo que puxemos fronte aos baños”.
Segundo Horacio Cupeiro “os visitantes saían contentos pola limpeza dos aseos e os veciños tamén debemos estar contentos por intentar facer o servizo sostible no tempo. A verdade é que non temos beneficios, que xa non contábamos con eles este ano, pero tampouco temos débedas”. E agradeceu no nome do Concello “tanto á Deputación de Lugo como a Costas, do Estado, pola subvención para os baños e a fosa séptica, respectivamente”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
