O Burela Pescados Rubén logrou o seu primeiro triunfo da tempada tras vencer por 4-3 a un Peñíscola Bodegas Dunviro que deixou unha gran imaxe en Vista Alegre. O conxunto burelés estrea o seu casillero de puntos con esta vitoria que lle permite coller máis confianza tras un difícil inicio ligueiro. O encontro foi de máxima intensidade entre dous equipos que presionaron moi ben ao rival e na primeira parte o aspecto defensivo impúxose ao ofensivo. Aínda que as mellores ocasións foron para os visitantes, con disparo á cruceta incluído de Fran Conde, foi o Burela Pescados Rubén o que golpeou primeiro. No último minuto, dous contragolpes xestionados por Matamoros foron finiquitados por Iago Míguez para irse aos vestuarios con vitoria parcial de 2-0 para os galegos.
Na continuación, o Peñíscola apertou ao máximo desde o inicio e obtivo o seu premio co 2-1 marcado por Fran Conde, minuto 25. O tanto visitante reforzou o seu bo momento ante un Burela Pescados Rubén que non lograba conectar co partido pero que a base de compromiso e actitude logrou reaccionar ás ocasións valencianas. Matamoros volveu aparecer e cun zurdazo ampliou a renda (3-1) e nun contragolpe Antoñito bateu no man a man a Chema para situar o 4-1. Ante esta tesitura, o Peñíscola apostou por xogo de cinco a case seis minutos do final e Juanqui logrou o 4-2. Os laranxas capearon ben o acoso visitante pero perdoaron as súas ocasións e un postreiro gol de Javi Alonso (4-3) levou a incerteza a Vista Alegre que finalmente celebrou a vitoria do seu equipo.
Charly Maza. O xogador do Peñíscola Bodegas Dunviro tivo que retirarse do choque ao lesionarse nunha acción fortuita ao intentar rematar unha clara ocasión.
*Fotografía: Marián García Mesa.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
