Ribadeo, 28 de outubro de 2014.- Xa está aberta ao tráfico rodado a avenida de Calvo Sotelo, onde desde mediados do pasado mes de setembro se acometeu a última fase das obras de acondicionamento e humanización desa rúa. Os traballos financiados pola Xunta, polo goberno do Estado e polo Concello. O investimento ascendeu a 110.000 euros.
O alcalde, Fernando Suárez, dixo que “dentro do prazo que nos tíñamos marcado, finalmente remataron as obras desta continuación na avenida de Calvo Sotelo, que se foi facendo nos últimos anos en varios treitos. Agora, neste último, logramos que as obras respondesen a unha nova avenida totalmente rehabilitada e humanizada, onde poden convivir vehículos e peóns e onde hai mobiliario público coma bancos, papeleiras e árbores. Algo que vai na mesma liña de humanizar, que levamos defendendo en Ribadeo nestes últimos anos”.
O rexedor ribadense subliñou que “a empresa construtora o fíxoo moi ben, a pesar do mal tempo que houbo algúns días. E tamén as molestias, que sempre as houbo coma en toda obra, entendo que foron mínimas ou polo menos así o foron as queixas dos veciños. Todos souberon soportar as molestias e o ruído destas obras para agora ter unha avenida e unha vía moi boa, do mellor que temos en Ribadeo”. Suárez Barcia engadiu: “este é o aliciente que temos para seguir pensando en novas actuacións para futuros tempos, que aínda que agora por mor da situación económica que temos non poden seguir sendo tan amplas e grandes coma eran anos atrás, pero que si que permiten seguir convertendo a Ribadeo nun lugar moi atractivo para comprar, para vivir e pasear. O que fai que dende o Concello esteamos empeñados en seguir con toda esta política de amaños de rúas e espazos públicos que penso que a xente valora profundamente”.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
