Madrid, 15 de outubro de 2014.- O Secretario na Comisión de Emprego e senador por Lugo, Ricardo Varela, desmentiu, este martes, ao Goberno e asegurou que non se está creando emprego, “simplemente estase troceando o existente”. Varela, que interpelou á Ministra de Emprego, Fátima Báñez, subliñou que “non hai máis traballo. En realidade, hai menos pero repartírono”.
O parlamentario do PSOE asegurou que a Ministra e o Presidente do Goberno non poden negar que no segundo trimestre de 2014, no que presumiron de crear 400.000 postos de traballo, a realidade, segundo a EPA e a contabilidade nacional, é que se perderon catro millóns de horas semanais respecto de 2013. Neste punto, especificou que mentres crece o número de empregos nun 0,9%, baixa o número de horas traballadas nun 0,7%.
Ricardo Varela insistiu na gran mentira do Executivo do PP sobre “o crecemento e as raíces vigorosas” e explicou que nos últimos 12 meses que sinala a última EPA, o traballo en España caeu en 210 millóns de horas respecto ao ano anterior. Varela ironizou e sinalou que “as raíces vigorosas da nosa economía, das que falaban Rajoy e Báñez están secas”.
O senador galego preguntou á titular da carteira de emprego, de forma reiterada, “como poden falar de crecemento do emprego cando os datos oficiais (EPA e contabilidade nacional) indican que perdemos catro millóns de horas semanais con respecto ao ano anterior”. Tamén sinalou que o verdadeiro obxectivo da reforma laboral era modificar a distribución da riqueza entre salarios e beneficio empresarial. “Conseguiron os seus obxectivos”, lamentou. “No periodo entre os anos 2011 e 2014, os salarios perden 46.2000 millóns de euros mentres que os excedentes empresariais (beneficio) crecen en 15.700 millóns de euros”.
A continuación, Ricardo Varela subliñou que, na actualidade, hai 846.115 parados máis que no ano 2011 e indicou que en España se contabilizaban 7.772.860 cidadáns que demandan emprego entre parados, traballadores a tempo parcial que buscan xornada completa e traballadores “desanimados” que xa non se inscriben no INEM.
Ademais, Varela recriminou ao Goberno que execute, de novo, un brutal recorte ás prestacións por desemprego en 2015 cunha rebaixa de 4.427 millóns de euros menos que no orzamento anterior, un 15% menos.
O parlamentario socialista concluíu recalcando que “é inconcibible que, con case un millón de parados máis que en 2011, dedíquese un 23% menos para protexer a este colectivo (en total, 7.506 millóns de euros menos no orzamento de 2015 respecto ao de 2011). É lamentable que o Goberno elimine un de cada tres euros dedicados a políticas de emprego”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
