Lugo, 28 de outubro de 2014.- O Pleno da Deputación deste martes aprobou cos votos a favor de PSOE e BNG instar á Xunta de Galicia a crear un grupo de traballo para converter o Miradoiro de Mondoñedo nun albergue público de peregrinos. A colaboración do Goberno galego é imprescindible, posto que é competencia autonómica exclusiva a promoción do Camiño e a xestión dos albergues públicos, tal como dita a Lei 3/1996, do 10 de maio. Só o PP rexeitou a proposta do grupo provincial socialista para a posta en valor deste edificio cun uso público permanente.
A iniciativa do PSOE permitirá incrementar a capacidade de aloxamento de peregrinos na Mariña. O actual albergue de Mondoñedo, con 24 prazas, estase a quedar obsoleto e pequeno. Nos meses de xullo e agosto, os peregrinos tiveron que ser desprazados ao polideportivo municipal porque as instalacións estaban saturadas. Nos primeiros oito meses deste ano, o Camiño Norte rexistrou preto de 13.300 peregrinos, converténdose na 3ª ruta que máis viaxeiros recibe, por detrás do Camiño Francés e do Portugués.
“O que lle pedimos ao Goberno de Feijóo é a mesma actitude de colaboración institucional que a Deputación lle está a prestar en actuacións que son de competencia autonómica como, por exemplo, o financiamento do PEIM, a rehabilitación das pallozas do Piornedo, os GES ou o Consorcio Provincial de Bombeiros”, destacou a Vicepresidenta Segunda, Lara Méndez.
Dándolle un uso público ao Miradoiro de Mondoñedo, a Deputación segue adiante coa posta en valor do seu patrimonio, ao igual que fixo co Hospital San José en Lugo, co complexo de Augasmestas en Quiroga, co pazo monfortino de Tor, ca gardería do Campus Universitario que cedeu a Raiolas ou coa recuperación do Hotel Miño como sede da UNED na capital. Esta proposta supón, ademais, un paso máis na aposta da Deputación por impulsar todas as rutas xacobeas da provincia, incluíndo o Camiño do Mar que a Xunta segue sen oficializar.
Sector lácteo
O Pleno aprobou cos votos a favor de PSOE e BNG, posto que o PP se abstivo, a moción do grupo provincial socialista para esixir á Xunta de Galicia que lidere fronte ao Goberno Central as seguintes medidas en apoio aos 10.000 produtores lácteos galegos (5.000 dos mesmos son lucenses) ante a supresión das cotas lácteas: 1.- que se modifique o decreto que desenvolve o Paquete Lácteo para que regule realmente as relacións contractuais entre produtores e industriais antes do 1 de decembro deste ano co fin de que o 1 de xaneiro do 2015 estean operativas os contratos, dado que en abril desaparecen as cotas; 2.- que se introduza a figura do mediador e fortes sancións para que a industria non fixe os prezos de xeito unilateral, nin impoña contratos á baixa; 3.- que a duración mínima dos contratos sexa dun ano e que se garanta a recollida de todo o leite producido nesta campaña; 4.- que o Orzamento autonómico do 2015 destine unha partida suficiente para poñer a disposición dos gandeiros de leite neste ano a metade das terras que actualmente están abandonadas en Galicia -400.000 hectáreas-, así como fórmulas que impidan a replantación das terras agrarias.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
