Barreiros, 22 de outubro de 2014.- A Concellería de Cultura e Xuventude de Barreiros colabora coa posta en escena este domingo, 26 de outubro, da obra de teatro Xustiza de lei. A representación levarase a cabo a partir das seis da tarde no Centro Sociocultural Manuel Díaz Sampedro. O grupo de teatro Ardora será o encargado de dar vida a esta obra que forma parte do proxecto teatral Buxiganga da Área de Cultura da Deputación de Lugo, a través da súa Vicepresidencia Primeira. A entrada é libre ata completar aforo.
Xustiza de lei é unha comedia realista que esboza unha radiografía en clave de humor da situación de desamparo na que se ven envoltas as cidadás e os cidadáns cando esperan unha aplicación das leis con sentido común. O fío condutor desta obra de teatro é amosar supostas hipóteses e realidades inverosímiles que leven a analizar o resultado social de aplicar unha suposta xustiza interesada. Todo baixo o lema resumo da obra: Cando a xustiza morre, en quen pode confiar o pobre?
Teatro en Barreiros este domingo con Ardora en “Xustiza de lei”
Relacionado
-
‘Preto de ti’ segue achegando ás parroquias ribadenses máis actividades para ás veciñas e os veciños
-
Ortigueira rexistrou unha moi boa acollida nas actividades municipais de dinamización sociocomunitaria, que contan neste curso con case 500 persoas inscritas
-
A estrada provincial LU-P-6103, de Trabada a Barreiros por Fórneas, sufre o corte dun carril -á altura do punto quilométrico 3,5- debido ao comezo dos traballos para estabilizar un talude
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
