Xove, 29 de outubro de 2014.- Tarde moi agradable cun sol radiante. Campo en perfectas condicións. 33 inscritos.
Liga Senior Masculina.- Xornada moi disputada, tanteos moi igualados onde o máis salientable, ademáis da victoria de Moisés, foi que xogadores como Sócrates Campo, Marcelino Rodríguez ou Arturo Vigo non conseguiron puntuar. A clasificación sigue comandada por Rafael González con 38 puntos, cun xogo moi sólido e regular; por detrais, Moisés acada esta posición grazas á súa excelente tirada, a cal lle sumou a mellor bolada. Por agora non hai grandes diferenzas, e os favoritos van collendo posicións na cabeza. Alex Meitín, vixente campión, puntúa por primeira vez na súa primeira participación esta tempada; vai ser difícil que renove título xa que este ano estase adicar máis ao fútbol nas filas da U.D. Xove-Lago. Por último, sinalar que xa conseguiron puntuar 18 xogadores distintos nesta categoría.
Liga Senior Feminina.- Segunda victoria de Carmen Roca, xogadora que gañou a primeira edición desta Liga e que este ano vai a polo seu terceiro entorchado. A verdade é que está xogando a un nivel tremendo, dando moi poucas opcións ás súas rivais. Parece que só Belén Meitín, a actual campiona, é capaz de aguantar o tirón de Carmen. A outra gran protagonista do trio favorito nesta súa primeira tempada, Salomé Cardoso, que comezou cunhas grandes prestacións, parece que vai de máis a menos, non sendo capaz siquer de puntuar nesta tirada, co cal pasa do liderato compartido con Carmen á terceira posición.
Liga Sub 16.- Nova victoria, e xa van tres, de Daniel Alonso. Con 25 puntos, cáseque dobla a Miguel López, o outro gran favorito, e que xogando moi descentrado. Esperamos que Miguel reaccione nas vindeiras semanas, xa que neste intre está a render moi por debaixo das súas posibilidades, pero debe centrarse. Por detrais outros xogadores/as que, cáseque con toda seguridade, só lles quedará a disputa polo terceiro posto, se como presupoñemos Daniel e Miguel van copar o podium.
A vindeira tirada deberíase celebrar no campo do Centro Social de O Cruceiro, pero a boleira deste campo non está neste intre en condicións, e non deu tempo a poñela en funcionamento, esperando tela lista para segunda volta do campionato. Debido a isto, PASAMOS A TIRADA DO CRUCEIRO AO CENTRO SOCIAL DE SUMOAS ESTE SÁBADO, 1 DE OUTUBRO DE 2014.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
