Foz, 20 de novembro de 2014. O alcalde de Foz, Javier Jorge Castiñeira, convocou un pleno da corporación municipal extraordinario e urxente para este xoves ás 21.30 horas, sesión na que se abordarán asuntos que deben entrar en vigor neste ano. O rexedor explicou que así o Concello poderá abonar as subvencións para o asilo focense e para a asociación de discapacitados Virxe do Carme.
“A urxencia da convocatoria dun pleno extraordinario hoxe ás 21:30 horas no Concello de Foz é evidente pola importancia dos asuntos, que deben publicarse no Boletín Oficial da Provincia e, despois de pasar un período dende a súa publicación, deben entrar en vigor xa neste ano, para o cal o tempo é bastante xusto. Temos que agradecer, por suposto, á nova interventora e aos técnicos municipais que nestes días dende a súa incorporación fosen capaces de acometer estes temas importantes para o remate do exercicio deste ano. Son importantes para o Concello e tamén para moitas asociacións que dependen da xeración de crédito nos nosos orzamentos para poder dispoñer desas subvencións. Dous casos importantes son unha axuda para o asilo de Foz, de 25.000 euros, e outra, de 7.000 euros, para a asociación de discapacitados Virxe do Carme, de Foz, para poder asegurar o funcionamento destes dous colectivos importantes”, destacou Javier Castiñeira.
O alcalde engadiu que no pleno de hoxe “a petición dos concelleiros non adscritos, irá tamén unha rebaixa con respecto a este ano no IBI, a aplicación do 10 por cento de rebaixa, atendendo as peticións dos ex concelleiros do PSOE, agora non adscritos, que solicitaban esa rebaixa. E despois o uso do remanente de tesourería, que é moi alto neste exercicio, para pagar o total da débeda bancaria que queda neste concello, que son arredor dos 250.000 euros, e para pagar a todos aqueles provedores aos que se lles negou o cobro no anterior recoñecemento extraxudicial e este é o último paso antes de que lles quede soamente a vía xudicial para que poidan cobrar, neste caso facelo con cargo ao remanente e non con cargo aos orzamentos do ano 2014”.
Castiñeira rematou comentando que “son temas importantes nos que confiamos en que a corporación sexa sensible, porque son beneficiosos para todos os veciños de Foz e para dúas asociacións en concreto. Polo tanto estes son os motivos da urxencia”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
