Máis de 15.000 persoas viron ‘A Esmorga’ nesta primeira semana nas salas de cine galegas. A cifra supón un fito histórico para o cinema galego e converte o filme de Ignacio Vilar na segunda película con máis espectadores por copia en todo o Estado español nesta semana, só superada por ‘Los Juegos del Hambre’.
Así o puxo de manifesto o propio Ignacio Vilar esta mañá durante a sinatura do convenio de colaboración entre a Area de Cultura da Deputación e a produtora do filme, Vía Láctea, no que o responsable de Cultura da institución provincial, o nacionalista Mario Outeiro, destacou o “apoio da Deputación de Lugo ao cinema galego e en galego”.
O filme ‘A Esmorga’, adaptación ao cine dirixida polo ourensán Ignacio Vilar da obra escrita polo seu paisano Eduardo Blanco Amor no 1959, e na que participan actores como Miguel de Lira, Antonio Durán “Morris” e Karra Elejalde e á actriz lucense Melania Cruz, leva unha semana en todas as salas de cine galegas “enchendo todas as salas e todas as sesións”, destacou Ignacio Vilar.
Un total de 1.279 persoas foron a ver a película na cidade de Lugo dende o pasado día 21, cun cheo total. Este mércores, por exemplo, día do espectador, 434 persoas viron a película en Lugo. O filme, que ata o momento só se pode ver nas salas galegas, saíu con 18 copias. Nas vindeiras semanas estrearáse no resto do Estado, anuncio Ignacio Vilar, que explicou que “os bos datos en Galiza estannos abrindo as portas do resto do Estado, onde xa preguntan por esa película que está arrasando nas salas galegas”. De feito, ‘A Esmorga’ é xa a película de menos de 100 copias con máis espectadores neste 2014 en todo o Estado español.
Escaparate turístico de Lugo en todo o Estado
O responsable de Cultura e Turismo da Deputación de Lugo, o nacionalista Mario Outeiro, destacou esta mañá durante a sinatura do convenio de colaboración con Ignacio Vilar o feito de que moitos dos escenarios da película fosen rodados na provincia de Lugo. “Tivo como escenario das principais secuencias non só o monfortino Museo do Pazo de Tor, que pertence á Rede Museística provincial e onde transcorre unha parte da historia, senón outras moitas localizacións do Sur da provincia de Lugo, como Escairón ou a Ferreirúa, no concello da Pobra do Brollón”, sinalou.
Por iso, Mario Outeiro destacou a importancia, mesmo desde o punto de vista de “escaparate turístico”, que ‘A Esmorga’ vai a ter para Lugo. “É unha película gravada nun 50% na provincia de Lugo e todas esas paisaxes e escenarios vanse a ver nas pantallas de todo o Estado”, salientou o responsable de Cultura e Turismo da Deputación, que lembrou que a Vicepresidencia da Deputación xa colaborou coas dúas películas anteriores de Ignacio Vilar, ‘Pradolongo’ e ‘Vilamor’, dentro da aposta por “apoiar o cinema feito en Galiza e en galego”.
O cinema galego pode competir con calquera superprodución
O director da película, Ignacio Vilar, subliñou que ‘A Esmorga’ “está enchendo practicamente todas as sesións desde hai unha semana, competindo con superproducións que teñen infinitamente máis orzamento, o que lle está a abrir á Esmorga e ao cinema galego as portas de todo o Estado”.
Vilar destacou que os espectadores galegos, que son os únicos que ata o de agora puideron ver a película, “saen orgullosos do cine” e mostrouse convencido de que “o cine galego pode competir con calquera cinematografía do mundo contando as nosas historias”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
