A maxia laranxa conseguiu neutralizar esta tarde ao gran ElPozo Murcia (4-3). O compromiso e a aptitude dun Burela FS Peixes Rubén serio en ataque e, sobre todo, en defensa puido derrotar ao histórico rival; a pesar de ir por detrás no marcador, os mariñáns souberon recompoñerse para marcar distancias e frear a avalancha dos de Dúbida con xogo de cinco.
Antes de cumprirse o primeiro minuto de xogo Adri xa intentaba sorprender a Álex de lanzamento cruzado. Non obstante, os da Mariña tampouco se deixaban amedrentar; no minuto 2, Isi en contraataque ofreceulle un belo pase a Mata, que non puido controlar de cabeza diante de Fabio. Adiantaron os visitantes no minuto 7, nas zapatillas de Lima tras roubo a Chano. Souberon os pupilos de Juanlu manter a calma e tan só dous minutos despois Iago Míguez asinou o 1-1 nun contragolpe con selo de Isi. Por primeira vez puxéronse por diante os de Vista Alegre no ecuador da primeira parte cun mísil dende media pista de Jorge Bellvert dende saque de banda de Matamoros. Tras dúas magníficas ocasións do 10 burelista ante Fabio, o conxunto de Dúbida tamén dispuxo de dobre oportunidade de Álex sen éxito. Entre as mellores ocasións do Burela FS destacou a de Antoñito, que non conseguiu encontrar a rede, no minuto 14, despois de perda e recuperación de Iago Míguez. No último cuarto intensificouse o traballo e o perigo para o meta laranxa; Eka non controlou o pase de Adri no minuto 15 tras roubar a Iago Míguez e o disparo cruzado de Lima no 17 marchou sen tocar a portaría local. A dous minutos para o descanso, a serenidade de Álex causou efecto sobre dobre tentativa de Raúl Campos; o meta burelista salvou da igualada co brazo primeiro e segundos despois dende o chan na liña de meta.
A segunda parte comezou con aviso de Adri, dende fóra da área, con rexeitamento de Álex. Tan só un minuto máis tarde, non aproveitou o Burela FS en contraataque de Carlitos, que non puido finalizar Jorge e os de Murcia non perdoaron. Álex anotou o 2-2 (minuto 22), asistido por Raúl Campos, dende saque de esquina. Non quixeron perder as rendas do marcador os de Juanlu e poucos segundos despois Jorge volveu adiantar aos de casa (minuto 22) dende saída de córner, distancia que ampliou no 24 Chano ao culminar un contraataque iniciado por Iago Míguez dende o chan na pista laranxa. Aínda estaba a celebrar Vista Alegre o 4-2, cando Eka reduciu a brecha a pase de Gréllo (minuto 25). O titánico ElPozo Murcia insistiu en ataque ante un serio rival en defensa con acertado Álex baixo os paus.
A falta de cinco minutos e medio para o final, o titánico ElPozo Murcia saíu a por todas con xogo de cinco liderado por Gréllo, ante a imperturbable defensa dos mariñáns. Adri a punto estivo de subir a igualada no minuto 37 cun balón cruzado que se estrelou contra o pau. Aínda que tamén dispuxeron dunha magnífica ocasión segundos despois Isi e Carlitos. Tras o rexeitamento de Álex, Iago Míguez salvou aos laranxas ao bordo da liña de meta no 38. O 5 burelista puido ampliar distancias en dúas ocasións no último minuto dende a pista local a porta baleira, con disparos que se foron moi desviados.
Agora toca pensar en recuperar o equipo para a próxima xornada; Isi rematou con molestias despois de verse obrigado a saír da pista na primeira parte e Jorge Bellvert non puido disputar os últimos minutos.
Ficha técnica
Burela FS Pescados Rubén: Álex, Jorge Bellvert, Isi, Matamoros, Carlitos, cinco inicial; tamén xogaron Antoñito, Iago Míguez, Chano, Hélder, Ángel
ElPozo Murcia FS: Fabio, Bebe, Álex, Adri, Raúl Campos, cinco inicial; tamén xogaron Gréllo, José Ruiz, Eka, Lima, Juampi
Goles: 0-1, minuto 7, Lima; 1-1, minuto 9, Iago Míguez; 2-1, minuto 10, Jorge Bellvert; 2-2, minuto 22, Álex; 3-2, minuto 22, Jorge Bellvert; 4-2, minuto 24, Chano; 4-3, minuto 25, Eka
Tarxetas: Por Burela FS amarela a Isi (minuto 22), Hélder (minuto 28). Por ElPozo amarela a Juampi (minuto 27)
Árbitros: Redondo Arenales // Viedma Martín
Incidencias: Partido correspondente á oitava xornada de Primera División LNFS disputado en Vista Alegre. Arredor de 1.200 espectadores.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
