Cervo, 14 de novembro de 2014. O portavoz municipal do BNG agradeceulle ao concelleiro de deportes a concesión da acta de deputado provincial que de momento non ten, e convidouno a ocuparse dos problemas de Cervo e non doutros que lle quedan algo lonxe. Neste sentido, Estúa pediulle ao concelleiro que traballe por buscar solucións aos problemas do concello, a empezar pola recuperación da praza médica perdida que o seu grupo apoiou demandar aquí e o seu compañeiro de goberno e parlamentario, José Manuel Balseiro, rexeitou na cadeira do parlamento.
O portavoz nacionalista pediulle a Guillén que goberne a súa casa e non as alleas que non son da súa competencia porque os 351 euros de media que cobra por hora de traballo por asistencias a Xuntas de Goberno, non se corresponden coa conta de resultados presentada ate o momento.
Estúa estima que este concelleiro debera preocuparse mais polos asuntos do concello que si son da súa competencia. Neste sentido sería bo que puxera mais empeño en facer cumprir acordos plenarios de Cervo que quedan en papel mollado como reclamar a praza médica perdida en asistencia primaria ou o dragado do encoro de Rúa, nun caso polos custes en calidade asistencia e noutro porque ten importantes custes económicos para o concello e para a veciñanza.
O portavoz nacionalista lembrou que ambos son acordos plenarios unánimes que o goberno do que forma parte gardou nun caixón e o seu compañeiro de goberno, José Manuel Balseiro, se encargou de tombar cando tocou decidir na cadeira do Parlamento.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
