“Foz, Plataforma de Futuro” mantivo este luns unha reunión con membros do comité de empresa de Área Minera del Atlántico- (Antiga Ecesa).
Temos que salientar que esta empresa -aínda que ten a súa sede social en Burela e dá de comer a máis ou menos 34 empregados- dez traballadores están afincados no noso Concello, e a maiores o resto de compañeiros tamén fan gasto na nosa vila. Recordar que son 34 traballos directos, pero hai tamén máis emprego indirecto que se destrúe.
Estes traballadores están a vivir unha situación tremendamente crítica, xa que levan dende o ano 2008 sin convenio colectivo e saíron dun concurso no ano 2013. Pois ben, nestes momentos a empresa están en fase de liquidación conlevando esto consigo unha inestabilidade laboral tremenda, xa que non saben cal vai ser o seu futuro laboral inmediato.
Nos tempos que corren non podemos permitirnos o luxo de perder máis postos de traballo nin perder máis dereitos laborais.
Despois de que nos plantexaran a sua postura e os seus problemas non podemos mais que mostrar públicamente o apoio incondicional de “Foz, Plataforma de Futuro” ás suas reinvindicacións.
Chegados estes momentos todo parece indicar que esta empresa pode ser comprada dende que sexa liquidada por outra, esto levaría consigo que se crearía unha bolsa de emprego para a contratación da xente que nestes momentos está en plantilla, pero hai que recordar que esta bolsa de emprego pode ser utilizada pola nova empresa ao seu antoxo, cousa coa que non estamos para nada dacordo. Polo tanto a parte de manifestar o noso apoio total ós traballadores, tamén pedimos públicamente que por parte da nova empresa que compre “Área Minera del Atlántico” se respeten todos os postos de traballo e as súas condicións laboráis, así como que se volvan a contratar a tódolos traballadores.
Tamén queremos pedirlle ao Sr Alcalde de Burela se implique nesta labor, xa que estamos a falar dunha empresa con moitos anos de historia e que axudou moito á prosperidade do Concello de Burela.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
