Burela, 24 de novembro de 2014.- O alcalde, José Mª González Barcia, destacou o traballo que realiza o Concello en materia de igualdade, loita e prevención da violencia de xénero. Hoxe pasou por Burela a presidenta de Mujeres en Igualdad España, Carmen Funez.
O rexedor resaltou “o grao de implicación que ten o Concello en materia de igualdade, loita e prevención en violencia de xénero. O Centro de Información ás Mulleres de Burela foi un dos primeiros en poñerse en marcha en Galicia e este ano recibiu a maior subvención concedida pola Xunta para concellos similares ao de Burela, estamos a falar de 65.000 euros”.
González Barcia tivo palabras de agradecemento “para as traballadoras do CIM, é practicamente o mesmo equipo desde o seu inicio, ao que se foron incorporando novas profesionais”. E tamén subliñou “o traballo que realiza Mulleres en Igualdade Burela, é de admirar porque o fan dun xeito totalmente altruísta, sen pedir nada a cambio. Así o demostra os recoñecementos que está a recibir esta asociación por parte doutros colectivos involucrados tamén nos ámbitos da igualdade e da muller. Seguiremos traballando con Mulleres en Igualdade en todo o que poidamos e agardamos poder dar algunha información en breve da vivenda que hai unhas semanas reformamos e que se destinará a casos de emerxencia social”.
O alcalde recibiu esta mañá no Concello a Carmen Funez, senadora e presidenta da asociación Mujeres en Igualdad España, que esta tarde participa nun seminario sobre violencia de xénero en Burela, e ao que tamén acudirá a delegada territorial da Xunta en Lugo, Raquel Arias; a xefa da Unidade contra a Violencia de Xénero da Subdelegación do Goberno en Lugo, Ana Pacio; Jasone Lorenzo, diplomada en Ciencias Políticas; e Mary Fraga, presidenta de Mulleres en Igualdade de Burela.
Carmen Funez mantivo un encontro esta mañá no Concello co alcalde, coa concelleiras de Igualdade, Diana Durán e con Mary Fraga.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
