Lourenzá, 29 de outubro de 2014. Desde o BNG mariñao acusan á dirección provincial do PP de apostar por persoas que minten aos veciños e aprovéitanse dos seus cargos no concello para contratar á familia, para dirixir o partido en Lourenzá. Á vista do resultado do último congreso do PP de Lourenzá e de todos os feitos sucedidos ate o momento, con cruce de declaracións e acusacións entre distinguidos membros do PP local, como a actual alcaldesa e o exalcalde, “os nacionalistas consideran insólito que a dirección provincial do Partido Popular non tomase cartas no asunto, permitindo que militantes que mentiron dun xeito descarado ao seu pobo continúen estando presentes no órgano de dirección do PP de Lourenzá”. Neste senso, consideran os nacionalistas que “a cúpula provincial do PP, isto é o Sr. José Manuel Balseiro Orol e o Sr. José Manuel Barreiro -este último presente no conclave do pasado día 17- pasan a ser corresponsábeis de todo o sucedido, ao permitir coa súa conivencia e amparar a reelección de determinadas persoas no máximo órgano de dirección do PP local co único fin de acadar unha morea máis de votos e mesmo permitir a reelección en dito órgano do Tte. de alcalde, o Sr. Dino Vidal, cuxa filla foi contratada, coa súa propia participación no acordo de contratación, sen concurso polo concello como posteriormente certificaría a alcaldía.”
OCULTISMO E CONTRADICIÓNS PARA XUSTIFICAR O INXUSTIFICÁBEL
O BNG asegura que a alcaldía de Lourenzá volveu a manipular a verdade, cando nunha entrevista mantida cun medio de comunicación escrito afirma textualmente: que se trata de “…unha subvención pedida cun anteproxecto asinado por Maite Vidal que precisamente inclúe que un dos requisitos para cobrar a subvención e executar a obra é que ese anteproxecto se transformara en proxecto. Nel xa figura o custe dos honorarios, uns trece mil euros”. O que pareceu esquecer nesa comparecencia a alcaldesa de Lourenzá, “é que ese feito, en caso de ser certo, non implica que teña que ser o mesmo técnico nin que a contratación se teña que producir sen o seu correspondente concurso como tivera sido o máis normal”, sinalan desde o BNG.
En calquera caso, este feito implicaría incorrer nunha nova contradición por parte do exalcalde e agora parlamentario o Sr. Vidal Martínez Sierra que “asegurou por activa e por pasiva que a colaboración fora totalmente altruísta. Porén, segundo as verbas da agora alcaldesa, a Sra. Emma Álvarez, el mesmo se tería asegurado de xestionar unha subvención que conlevaba o cobro de honorarios por parte da técnica, rematando así con todo rastro de altruísmo”.
Por outro lado, o Sr. Vidal Martínez Sierra nun intento estéril de xustificar a elección da técnica para a redacción do anteproxecto, falou dunha teórica colaboración co Instituto Padre Sarmiento que tampouco queda clara; pois a día de hoxe, en contra do que afirma o Sr. Sierra, aínda non existe ningún tipo de convenio bilateral ou acordo vinculante de calquera tipo entre Instituto Padre Sarmiento e o concello de Lourenzá, tal e como certifica a alcaldesa nunha resposta a instancias do grupo municipal do BNG.
CONTRATACIÓNS A DEDO DE FAMILIARES DO GRUPO DE GOBERNO
O BNG considera ademais “que a actual alcaldía está a ocultar probas ao non contestar ás preguntas formuladas polo grupo nacionalista”, como no caso da pregunta escrita feita polo BNG con rexistro de entrada no concello o 29 de setembro onde se solicitaba textualmente: “Certificación da alcaldía ou do servizo de secretaría-intervención do concello sobre a posibel existencia dun suposto de incompatibilidade o día 26 de xuño de 2013, cando o Sr. Dino Vidal membro da Xunta de Goberno Local en votación ordinaria e sen ausentarse da mesma depositou o seu voto favorábel para aprobar unha certificación a nome dun familiar con parentesco de consanguinidade de primeiro grao”. A día de hoxe, esa pregunta non foi contestada, “cando é obriga da alcaldía contestar nos prazos fixados pola lexislación polo que consideramos que desde o goberno local se está ocultando información que compromete cun caso de presunta prevaricación ao Tte. de Alcalde Dino Vidal e a todo o grupo de goberno.(ver documento adxunto nº2, pregunta á alcaldía e nº3, acta da xunta de goberno do 26/06/2013).
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
