Bernardo Fraga Galdo, en nome e representación do Grupo Municipal do Bloque Nacionalista Galego de Viveiro, conforme á lexislacion vixente, presenta ao Pleno da Corporación Municipal de Viveiro as seguintes:
PREGUNTAS
1. As veciñas e veciños da Rúa Grande en Celeiro, víronse sorprendidos pola colocación de sinais de prohibición de estacionar nas marxes da vía. Na zona entre o acceso a Roufelle e os Catro Camiños a sinalización impide estacionar en ámbalas marxes da rúa, precisamente na zona que conta con máis ancho de vía. Entre o acceso a Roufelle e o Rego da Fonte só no marxe dereito, e na continuación do cruce co Rego da Fonte só no marxe esquerdo. O goberno municipal, na liña habitual, non informou ás veciñas e veciños deste cambio, realizado sen previo aviso, e máis nunha zona onde non existen aparcamentos públicos.
Dende o Grupo Municipal do BNG instamos en varias ocasións ao goberno municipal a realizar un Plan de Tráfico en Celeiro, que resolva a circulación no pobo, sen que se tivera avanzado nada no asunto, é por isto que preguntamos:
¿Ten pensado o Goberno Municipal manter a sinalización actual da rúa? ¿Quen tomou a decisión de modificar a sinalización?¿Existe informe da Policía Municipal sobre o asunto?
¿Ten pensado o Goberno Municipal realizar un Plan de Tráfico en Celeiro?
2. Directivos do Viveiro C.F. puxéronse en contacto con este Grupo Municipal, para trasladarnos a súa preocupación pola situación económica do Club, que consideran de emerxencia. Segundo nos indicaron, tanto o Concelleiro de Deportes como a Alcaldesa son coñecedores desta situación.
Ten outorgado o Goberno Municipal algunha subvención ou axuda ao Viveiro C.F. con cargo ao orzamento de 2014? De non ser así, ten previsto facelo antes de que remate o ano? Se ten previsión de outorgala con cargo aos orzamentos de 2014. En que cuantía?
3. O marcador do pavillón municipal de Deportes, leva varias semanas sen funcionar. Isto provoca problemas no seguimento das competicións deportivas que alí se celebran, así como unha imaxe negativa do noso Concello, cos equipos e seguidores que nos visitan.
¿Ten previsto o goberno municipal, reparar o marcador do Pavillón Municipal? De ser así, cando ten previsto que se faga efectiva dita reparación?
En Viveiro, a 28 de novembro de 2014.
Bernardo Fraga Galdo
Portavoz Municipal do BNG de Viveiro.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
