Cervo, 24 de novembro de 2014.- O BNG insiste en que a veciñanza de Cervo paga as consecuencias dunha segregación do concello de Burela promovida e aprobada polo Partido Popular no goberno da Xunta en 1995. O que serían compensacións pola segregación estana pagando veciñas veciños dos dous concellos xa sexa na devolución de créditos ou con recibos por abastecemento de auga vía recibos, tanto é así que o 50% do pagado por cada m3 de auga consumida vai destinado a pagar a obra e a xestión da empresa concesionaria do servizo.
As contas non cadran e compre saber cando minte a concelleira, nos orzamentos de Cervo ou no que cobra a empresa concesionaria
Aos nacionalistas non lles saen as contas cando, no caso do concello de Cervo, os gastos enerxéticos para abastecemento de auga e saneamento un ano antes da entrada en funcionamento do servizo eran de 40.000 euros anuais, mentres no actual 2014 consígnanse 145.000; “o BNG pregúntase con cal cifra minte a concelleira Pedreira, si co gasto en enerxía consignado ou nos 12.933 que di pagar polo servizo prestado? Na mesma liña, tampouco saen as contas no gasto de explotación do Consorcio adxudicado por dous anos a Espina & Delfín en febreiro de 2013 por un importe de 345.467,24 euros anuais, 22.339 euros menos dos 367.807 que asegura a concelleira Pedreira”.
Desde o BNG tamén explican que de acordo coas actas do Consorcio para fixar a taxa por explotación e abastecemento de auga, os 0,63€/m3 básicos en vivenda, “cóbranse haxa bombeos desde o encoro de Río Covo ou non, si o gasto enerxético é tan baixo como di a concelleira Pedreira, estamos pagando o servizo moi por riba do seu custe real”.
O BNG pídelle á concelleira cervense que aclare o baile de cifras, nós achegamos datos oficiais dos orzamentos de Cervo de 2011 e 2014, así como do BOP Lugo na concesión a Espina & Delfín por explotación do Consorcio. Mentres Pedreira di que lle dixeron, a diferenza págana os e as consumidoras dun servizo que tamén ten queixas por deficiente.
Porque o PP impide en Cervo o que si fixo en Lourenzá
Ademais pídenlle que explique cal é o motivo polo que nega a limpeza do encoro de Rúa contemplado no proxecto inicial como esencial para evitar cuantiosos gastos enerxéticos por bombeos, ou cal é o motivo polo que tenta tapar que a Xunta execute obras de limpeza de lodos nun encoro de abastecemento en Lourenzá, mentres nega o que estaba comprometido no encoro de Rúa comprometido desde 1995.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
