Este venres, 21 de novembro de 2014, a partir das 17.00 horas, no CENIMA (Centro de Interpretación da Mariña) en Foz, o vicepresidente primeiro de Deputación de Lugo, Antonio Veiga, e o alcalde de Foz, Javier Jorge Castiñeira, inauguran a exposición “Culturas en diálogo: Lugo-Arxentina”, un proxecto da Rede Museística Provincial guiado polos principios da museoloxía social e do diálogo intercultural.
PROGRAMA DO ACTO
-17.00h: Presentación do proxecto “Culturas en diálogo: Lugo-Arxentina” baixo as liñas de museoloxía social e do diálogo intercultural.
-Charla da doutora en Historia Érica Sarmiento da Silva, profesora da Universidade do Estado do Rio de Janeiro e da Maestría da Universidade Salgado de Oliveira, e coordinadora do Laboratório de Estudos de Imigração.
-A emigración nas ondas desde Radio Foz. Conversas ó redor do mate e dun café coa participación daAsociación de Rioplatenses de Lugo, a documentalista Pilar Sanchéz, o artista Xosé Reigosa, a coordinadora do proxecto Encarna Lago, Antonio Veiga, vicepresidente primeiro da Deputación de Lugo xunto con alumando e profesorado de Artes do I.E.S Monte Castelo de Burela. Esta programación retransmitirase en directo por Radio Foz, pero o acto está aberto ás persoas que se queiran achegar ao CENIMA para compartir as súas experiencias da emigración.
-19.00 horas-Inauguración da exposición por parte de Javier Jorge Castiñeira, alcalde de Foz e Antonio Veiga, vicepresidente primeiro da Deputación de Lugo.
_____O proxecto de “Museoloxía social. Diálogo Intercultural” denominado CULTURAS EN DIÁLOGO: LUGO-ARXENTINA veuse desenvolvendo ao longo do ano 2014 nos diferentes museos da Rede Museística da Deputación de Lugo coa colaboración de asociacións e persoas vencelladas a diferentes actividades artísticas e culturais de ambas beiras do Atlántico.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
