Burela, 6 de novembro de 2014. O alcalde, José Mª González Barcia, reuniuse este xoves no Concello con técnicos do Sergas e da empresa que leva a cabo o plan director do Hospital da Costa para analizar cuestións relativas á ampliación dese centro.
O rexedor explicou que “durante esta mañá tivemos unha xuntanza con técnicos tanto do Sergas como da empresa que está a levar a cabo o plan director do Hospital da Costa, para ver cuestións de tipo técnico vinculadas coa ampliación dese centro”. González Barcia lembrou que “nós no plan xeral de ordenación municipal deixamos zona suficiente para levar a cabo a ampliación e hoxe do que se trataba era de pulir cuestións técnicas relativas co Pxom en canto á ordenación de solo dotacional, etc”.
Segundo o alcalde burelés “a xuntanza foi positiva porque os propios técnicos da empresa que redacta o plan director e os técnicos do Sergas recoñeceron as bondades que ten o plan xeral para poder levar a cabo a ampliación do Hospital da Costa e valoraron de forma moi positiva que o Concello tivese en conta deixar solo suficiente para executar esa obra”.
José Mª González Barcia dixo: “para nosoutros non deixa de ser unha satisfacción que técnicos cualificados valoren de xeito positivo o Pxom no que se refire ás posibilidades que ofrece para a ampliación do hospital”. E engadiu: “daremos todas as facilidades habidas e por haber tanto aos técnicos do plan director, aos do Sergas e á propia Xunta de Galicia para levar a cabo as obras. Nese sentido o único que nos queda é esperar a que se elabore toda a documentación por parte da empresa adxudicataria do plan director e que todos estes traballos se leven a cabo o antes posible”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
