Lourenzá, 25 de novembro de 2014. O Concello de Lourenzá presentou este martes as bases para participar nos dous concursos infantís de Nadal que mantén abertos. Os nenos e rapaces do municipio poderán participar tanto no Concurso de Postais de Nadal, que se celebra por primeira vez no municipio, coma no xa tradicional Certame de Poesía. Nos dous casos, os traballos deberán ser entregados na Biblioteca Pública e sometidos ó veredicto dun xurado formado por técnicos da área de Cultura do Concello. O prazo para entregar os poemas de Nadal remata o día 22 de decembro, mentres que a data elixida para presentar as postais será o vindeiro mércores 10 de decembro. Haberá tres gañadores para o concurso de poesía e un para o de postais.
A concelleira Lupe Flórez Seivane anunciou que “dende a Concellería de Educación do Concello de Lourenzá vimos de convocar dous concursos infantís. Por unha parte presentamos a primeira edición do Concurso Infantil de Postais de Nadal, na que poderán participar tódolos nenos e rapaces laurentinos de ata 14 anos incluídos que así o desexen. A temática das postais terá que facer alusión a motivos do Nadal, aínda que tamén se vai ter en conta que inclúan algún elemento propio de Lourenzá, ben sexa de carácter arquitectónico, cultural, lúdico, etcétera. Deberán presentarse en tamaño cartolina A-5, medio folio, e pola parte de atrás deberán recollerse os datos da persoa que elaborou ese traballo. A técnica empregada é libre e o premio vai a consistir na entrega dun vale de compra de 50 euros para gastar nos comercios asociados de ACIAL”.
Lupe Flórez engadiu que “a postal gañadora, xa que só haberá unha seleccionada, vai ser a que empregue o Concello de Lourenzá en formato dixital para felicitar as vindeiras festas de Nadal a tódolos organismos que ten por costume facelo. O prazo de presentación das postais rematará o mércores 10 de decembro na Biblioteca Municipal e o xurado estará composto por membros da área de Educación e Cultura do Concello, membros da directiva de ACIAL, que é a outra entidade que organiza o concurso e concede a cantidade económica do mesmo, e por un representante do CEIP Juan Rey, de Lourenzá. A entrega do premio deste concurso vai a ser durante a celebración do Mercado de Nadal que organiza a ACIAL laurentina. A data e hora van a ser comunicadas o día 12 de decembro, que será cando a través dunha nota de prensa o xurado faga público o seu veredicto”.
Flórez anunciou ademais que “tamén presentamos o tradicional Certame de Poesía Infantil Nadal 2014, que se convoca a través da Biblioteca Pública Municipal Juana de Ibarbourou e no cal os gañadores van a ir á fase provincial que convoca a Biblioteca Provincial de Lugo. Neste caso, no certame de poesía infantil, poderán participar todos aqueles nenos que o desexen con poemas co tema xenérico do Nadal. Haberá tres categorías coma tódolos anos: a primeira, ata 8 anos; a segunda, de 9 a 11; e a terceira, de 12 a 16 anos. Cada autor poderá presentar o número de traballos que desexe e estes deberán ser entregados na Biblioteca Pública Municipal de Lourenzá coma data límite o día 22 de decembro de 2014. Un xurado formado por distintas persoas da Área de Educación e Cultura do Concello de Lourenzá escollerá tres traballos en cada unha das categorías. Estes traballos premiados irán á fase provincial, na que esperamos que teñan sorte, coma noutras ocasións. O fallo do xurado local terá que ser feito público na primeira quincena do mes de xaneiro de 2015 e tódolos traballos que se presenten pasarán a ser propiedade da Biblioteca, que se reserva o dereito de publicar os mesmos”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
