Lugo, 22 de novembro de 2014.- O Grupo Provincial do Partido Popular esixiu na tarde deste sábado, a través da súa voceira Elena Candia, que o presidente da Deputación Provincial e líder dos socialistas galegos, José Ramón Gómez Besteiro, compareza e dea explicacións ante as investigacións que se están a levar a cabo na administración lucense e que, segundo anunciaron os medios de comunicación, perseguen presuntos delitos de tráfico de influencias, malversación de fondos públicos, exaccións ilegais e prevaricacións.
Así, os populares, como grupo maioritario na Deputación de Lugo, amosaron a súa preocupación ante o que está a acontecer e pedirán a través dunha iniciativa no próximo pleno que o socialista dea unha rigorosa aclaración ao respecto. Para os populares, respectando sempre a presunción de inocencia, estase ante un feito moi grave, e seguramente inédito en España; xa que ante varias investigacións un presidente provincial elude dar explicacións ao respecto.
Críticas do GPP
O GPP xa ten denunciado as políticas de persoal da Deputación, e fai un semana criticou ata catro manobras xurídicas, entre elas a modificación en dúas ocasións da RPT, para que un traballador cun cargo de confianza fose hoxe funcionario de carreira.
A maiores, os populares recordan que sobre a institución provincial pesan denuncias que tamén están a ser investigadas sobre presuntos casos de acoso ao persoal do servizo de protocolo.
Subvencións deportivas
Os populares lembran que tanto o C.B. Breogán como a Fundación Balogal percibiron a través de subvencións da Deputación dende o ano 2008 máis de 5,1 millóns de euros. O GPP ten denunciado a través da análise de contas xustificativas o uso partidista dalgunha destas achegas.
A maiores lembran que o GPP tamén ten rexistradas preguntas, unha delas para a resposta no próximo pleno provincial, na que se interesan polo importe total das facturas emitidas polas empresas Markova-Tic e Dioptra.
Non é algo novo. Outras investigacións
O GPP lamenta que as investigacións no seo da Deputación non é algo novo e lembran os procesos abertos en torno á piscina de Monterroso, polo estudo de 323.000 euros sen executar; ou sobre as presuntas irregularidades na estrada Alto do Valiño-Valdeporrás, sobre a que a Fiscalía está tamén a estudar a existencia dun presunto delito de malversación.
Os populares tamén recordan que a tenente de alcalde da Pastoriza do BNG levou a Fiscalía as obras da piscina da Pastoriza por presuntas irregularidades na execución do proxecto; ata o punto de que a investigación sobre o propio patrimonio de Besteiro tamén figura na no sumario da operación Pokemon.
Pídenlle a Besteiro a mesma vara de medir
Así, os populares pídenlle a Besteiro a mesma vara de medir, xa que mentres el pide explicacións ao resto dos partidos políticos, na Deputación asegura que só tomará medidas ante feitos probados.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
