Os concelleiros independentes de Foz esixen que se faga cumprir a moción aprobada no Pleno deste xoves onde se solicitaba a rebaixa do gravame do IBI.
No pleno deste pasado xoves foi aprobada a moción presentada por este grupo co voto a favor de toda a oposición e a abstención do Partido Popular onde solicitábamos a rebaixa do 0,66 ó 0,56 no gravame do Imposto de Bens Inmobles, e onde se incluíu unha emenda presentada polo BNG pedíndolle ao Concello facer bonificacións para as persoas con escasos recursos ou que non dispoñan de ingresos suficientes para facer fronte ó pago.
Criticamos así ó Equipo do Goberno do Partido Popular por mostrarse en contra da moción en todo momento, nestes intres tan difíciles para moitas familias ao querer subir os impostos deste xeito cando os soldos e as pensións lonxe de subir baixan. Queremos deixar constancia tamén de que o propio alcalde recoñeceu neste pleno que foi el quen solicitou a revisión catastral, e facendo uso da súa demagoxia incluso chegou a dicir que os veciños lle comentaban que os impostos no Concello de Foz eran moi baixos, o que demostra unha vez máis que non está nin se lle espera.
Esiximos deste xeito, que se fagan tódolos posibles trámites canto antes para que dea tempo a rebaixar o IBI para o próximo ano, e facer cumprir os acordos plenarios.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
