Cervo, 22 de novembro de 2014.- A edil de Facenda, Yolanda Pedreira, denunciou este sábado a “frivolidade” dos grupos do BNG de Cervo e Burela, que fan críticas sobre o abastecemento de auga en ambos concellos “sen ter nin un só dato”. Pedreira lamenta que “ningún dos grupos se puxo en contacto co Consorcio de Auga Cervo-Burela para pedir os gastos da xestión da auga potable nestes dous municipios.
“Nós si consultamos os datos, e cada un dos números fai caer unha por unha as mentiras dos nacionalistas”, engade. Pedreira explica que o custo de explotación anual do Consorcio é de 367.807 euros, dos cales só 12.933 euros (o 3,52%) é o gasto eléctrico anual do bombeo do embalse de Río Covo á Senra. “Ese mesmo bombeo que o BNG considera tan sumamente caro”, replica a edil, “mentres defende un gasto de 1.700.0000 euros para dragar o embalse de Rúa”.
Pero ademais, hai que ter en conta un dato moi importante, e é que o bombeo non só está funcionando cando ten que impulsar a auga, senón que tamén se activa periodicamente para o seu mantemento, xa que é un sistema que non pode estar parado moito tempo. Así, en realidade, o consumo eléctrico para bombear a auga é só duns 5.000 euros, e os 8.000 restantes son o consumo de mantemento, no cal non se pode aforrar.
Ademais, a edil explica que aínda que se dragase o embalse de Rúa, o bombeo de Río Covo tería que seguir funcionando, e seguiríanse gastando eses 8.000 euros ao ano en mantemento. Desta forma, “o BNG propón gastar 1.700.000 euros para aforrar 5.000”. Pedreira explica tamén que o embalse de Rúa ten unha capacidade de auga moi pequena e, por si mesmo, non serviría para asegurar o abastecemento de auga potable a Cervo e Burela.
En definitiva, “ao BNG non lle interesa a realidade, senón unha realidade inventada que vaia ben cos seus intereses”. Por iso se permiten dicir “todo tipo de mentiras sen dar un só dato”. Lamentablemente, “non é así como debe actuar un responsable político, e os voceiros do BNG demostraron unha falta de seriedade e rigor do que terán que dar conta ante os veciños”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
