A Mariña, 26 de novembro de 2014.- A CIG Ensino puxo en marcha a primeiros do curso escolar unha campaña de recollida de sinaturas en forma de Iniciativa Lexislativa Popular (ILP) co fin de restituír os dereitos do profesorado e mellorar a calidade do ensino. O número total de sinaturas entregadas nas oficinas do censo foi de 22.946, correspondéndolle á provincia de Lugo 3.215 sinaturas.
A CIG recolleu na comarca da Mariña un total de 965 sinaturas, das que aproximadamente un 80% corresponden a sinaturas da comunidade educativa, principalmente ao profesorado, mais tamén a pais e nais do alumnado dos centros de ensino público da Mariña.
A ILP pretende, por un lado, que se dignifique o traballo do profesorado e, por outro, que se tomen medidas que melloren a calidade educativa nos centros públicos da comarca e de Galiza.
Dentro do primeiro obxectivo proponse a non impartición de materias afíns que non sexan da especialidade, a creación de amplas ofertas de emprego público, a cobertura de todas as baixas, dotar a todos os centros de persoal administrativo así como de educadores e coidadores cando sexa necesario, a recuperación do poder adquisitivo perdido, facilitar a xubilación para que se incorpore novo persoal docente, establecer as enfermidades profesionais docentes e a elaboración dun estatuto da función pública docente.
Dentro do segundo apartado están medidas como dedicar o 7% do PIB galego á educación, a redución das rateos actuais por aula, a oferta suficiente de prazas públicas de educación infantil de 0-3 anos, a atención personalizada e unha escolarización adecuada para o alumnado con necesidades específicas de apoio educativo, garantir a escolarización no medio rural, a gratuidade dos libros de texto para todo o alumnado do ensino obrigatorio, a xestión democrática dos centros, o dereito de todo o alumnado ao comedor escolar -que será atendido por persoal específico-, a oferta ampla de actividades extra escolares ou o fomento da lingua galega cara á normalización lingüística no ensino.
A CIG Ensino quere manifestar a súa satisfacción polo éxito da campaña na Mariña e aproveitar a ocasión para agradecer a todas as persoas que asinaron esta ILP a súa colaboración, especialmente ao profesorado, porque significa que non estamos dispostos a que o ensino público galego siga sendo maltratado con todo tipo de recortes que diminúen a súa calidade e que poñen en tea de xuízo o dereito á educación e a igualdade de oportunidades.
Dores Fernández Abel
Secretaria da CIG Ensino da Mariña
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
