Santiago, 1 de decembro de 2014.- A Consellería de Sanidade, por medio da Dirección Xeral de Innovación e Xestión da Saúde Pública, ven de publicar o Estudo da Análise da Mortalidade en Galicia referidos ao ano 2012, o que inclúe os datos relativos á mortalidade por infarto agudo de miocardio nas provincias de Lugo e A Coruña. Das cifras, presentadas en requerimento dunha Iniciativa Lexislativa Popular, despréndese que non hai diferenzas estatísticamente significativas entre a mortalidade por Infarto Agudo de Miocardio entre a poboación das dúas provincias.
Datos de mortalidade global por IAM en Galicia no 2012
De acordo cos datos recén publicados por esta Consellería, o infarto agudo de miocardio (IAM) sitúase en oitavo lugar entre as causas de mortalidade global. En concreto, representa o 4,7% e 4,5% do total das mortes nas provincias de Coruña e Lugo, respectivamente.
Se avaliamos as taxas de defuncións por infarto agudo de miocardio especificamente en maiores de 55 anos, observamos que a taxa de mortalidade axustada é de 91,6 por 100.000 habitantes da provincia da Coruña, e 85,4 por 100.000 habitantes da provincia de Lugo.
Estes datos reflicten que non existen diferenzas estatísticamente significativas nin na mortalidade global nin na específica de maiores de 55 anos por Infarto Agudo de Miocardio.
Mortalidade hospitalaria no 2013
A análise da mortalidade hospitalaria permite ao Sergas avaliar os datos segundo a provincia de residencia do total de pacientes con infarto agudo de miocardio, independentemente do centro sanitario no que fosen atendidos.
O número de pacientes con infarto agudo de miocardio con residencia na provincia da Coruña e que foron atendidos en hospitais da rede do Servizo Galego de Saúde no 2013 foi de 1.292, dos que faleceron 85, é dicir un 6,58%. No que respecta a pacientes con infarto agudo de miocardio con residencia na provincia da Lugo e que foron atendidos en hospitais da rede do Servizo Galego de Saúde a cifra foi de 524, dos que faleceron 34 pacientes, o que reflicte unha taxa equivalente de 6,49%.
Tamén segundo datos de actividade hospitalaria relativos ao 2013, e avaliando especificamente a casuística e mortalidade por infarto agudo de miocardio con elevación de ST (susceptible de ser atendido con anxioplastia primaria) na provincia da Coruña foron atendidos 597 pacientes, dos que faleceron 35, é dicir un 5,86%. Con respecto da casuística e mortalidade por infarto agudo de miocardio con elevación de ST (susceptible de ser atendido con anxioplastia primaria) na provincia de Lugo foron atendidos 260 pacientes, dos que faleceron 16, é dicir un 6,15%.
Os datos de mortalidade hospitalaria por Infarto Agudo de Miocardio nas provincias de A Coruña e Lugo, ao igual que acontecía coa mortalidade global, non reflicten diferenzas estatísticamente significativas, e iso a pesar da idade da poboación, máis alta en Lugo que en A Coruña.
Código infarto
Estas cifras demostran que un dos puntos clave na atención é a coordinación da atención e avalan a importancia que nestes casos tivo PROGALIAM (Programa Galego de Atención ao Infarto Agudo de Miocardio), pioneiro en España na implantación dun sistema en rede, que mellorou substancialmente a atención na nosa comunidade mediante a integración e mellora da coordinación entre a atención extrahospitalaria e hospitalaria.
O seu obxectivo é mellorar a expectativa e calidade de vida do paciente co IAM, ao tempo que promove a equidade no acceso ás prestación do sistema sanitario. É parte do esforzo dos profesionais da Fundación Pública Urxencias Sanitarias de Galicia-061, en colaboración cos hospitais do Servizo Galego de Saúde, acurtar o tempo no que os pacientes con infarto agudo de miocardio reciben o tratamento óptimo de reperfusión.
Os pacientes diagnosticados de IAM nas unidades de soporte vital avanzado da Fundación Pública Urxencias Sanitarias de Galicia-061 ou nos hospitais que non teñen servizo de Hemodinámica 24 horas son trasladados inmediatamente e, dun modo seguro, aos centros de referencia correspondentes. Así mesmo, unha vez realizado o procedemento de anxioplastia primaria, se o paciente pertence a outra área sanitaria, o programa garante o seu retorno ao seu hospital de referencia.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
