A Deputación de Lugo vén de aprobar, na Xunta de Goberno celebrada hoxe, un convenio coa Confederación de Empresarios da provincia de Lugo (CEL), co que a institución provincial fai unha achega de 60.000 euros para impulsar a actividade do tecido empresarial lucense.
Dito convenio foi presentado hoxe polo Presidente da Deputación, José Ramón Gómez Besteiro, e o conselleiro delegado da Confederación, Jesús García Quintá nun acto celebrado na sede da Confederación de Empresarios no que Gómez Besteiro destacou que “esta colaboración responde ás políticas de apoio ás empresas por parte da Deputación nos últimos anos e, en especial ás pequenas e medianas empresas, as máis numerosas na provincia e en toda Galicia”. De feito, supoñen máis do 95% do tecido empresarial lucense.
Gómez Besteiro destacou as dificultades as que se enfronta o tecido empresarial no país, como o feito de que das últimas 27 subas de impostos establecidas polos Goberno central, 13 delas están a ser soportadas directamente polas empresas, ao que engadiu, no caso concreto da provincia de Lugo, a escaseza de inversións claves en infraestruturas e servizos por parte dos Gobernos central e autonómico, tal e como tamén denunciaron os propios empresarios lucenses.
O conselleiro delegado da CEL, Jesús Quintá, destacou pola súa banda que o acordo permitirá á CEL “seguir desenvolvendo o seu traballo fundamental, que é o de atención ás pequenas e medianas empresas da provincia de Lugo, máis necesario que nunca dada a situación de crise que levan soportando desde fai máis de cinco anos e que, aínda que parece que empeza a remitir, suporá aínda polo menos dous anos máis de dificultades”. Subliñou na mesma liña a “importancia de pemes e microempresas para a provincia de Lugo, onde son maioritarias”, pois supoñen máis do 95% do seu tecido empresarial, e do “desenvolvemento de accións para o fomento da súa internacionalización”.
Apoio a empresa e creación de emprego
O Presidente destacou as políticas de apoio da Deputación ao tecido empresarial emprendidas nos últimos anos, “en materia tecnolóxica; as dirixidas a mellorar o financiamento”, que cumpren, ademais, o obxectivo de “ofrecer solucións aos máis de 25.000 desempregados da nosa provincia”. Gómez Besteiro destacou a máis recente destas medidas, o plan BEN EMPREGADO!, unha iniciativa coa que o organismo provincial destina 5 millóns de euros de fondos propios para asumir na súa totalidade os custes salariais e de Seguridade Social para a contratación durante 1 ano de desempregados lucenses en establecementos, empresas ou colectivos da provincia que necesiten novo persoal para impulsar a súa actividade, pero que requeren de axuda económica para poder contratalo neste momento. Deste xeito, “iremos directamente ás empresas para saber cales son as súas necesidades e adaptar á oferta á demanda”, con vistas a xerar emprego tamén a longo prazo.
Actividade da CEL
A CEL atende unha media de máis de 5.500 consultas ao ano só das súas empresas asociadas, a través dos seus servizos de asesoramento xurídico, laboral, fiscal, de comercio exterior e comunicación ou administrativos. A maiores, asesora cada ano a unha media de 200 proxectos empresariais promovidos por emprendedores lucenses en colaboración coa Fundación CEL.
Esta última entidade conta cun centro de iniciativas empresariais para incubación que vén de ser cualificado por FUNCAS (Fundación de Caixas de Aforro) como o 13º mellor de España, dos máis de 350 analizados. Este posicionamento é mellor se se atende a criterios concretos como “incubación básica” (6º mellor de España) ou “difusión do espíritu de empresa” (8º mellor de España). A Confederación de Empresarios de Lugo desenvolve, así mesmo, labores de orientación laboral a desempregados e de formación.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
