Xove, 18 de decembro de 2014.- O programa de Nadal do Concello continua a súa marcha, e despois da actuación dos Bolechas deste xoves, o venres 19 de decembro terán a inauguración, na Sala de Exposición do Centro Cívico, da exposición de fotografía artística de Cristian Carabalí. A exposición vai estar aberta dende as 17:00 horas, e a inauguración será a partires das 18:00 horas (6 da tarde), para o cal contan co alcalde Demetrio Salgueiro e outros invitados do mundo da cultura, en especial do grupo fotográfico de Xove.
Cristian presenta 45 obras de moi diversos contidos: paisaxes, edificios antigos, arquitectura relixiosa, fauna, flora. Procedente da cidade de Ibarra no Ecuador, xa nacionalizado español, reside actualmente en Burela, onde recentemente acaba de expor.
O horario da exposición, que vai estar aberta diariamente ata o luns 5 de xaneiro, é o seguinte:
-Diariamente de 17:00 a 21:00 horas. Este horario ten unhas excepcións, xa que os dias 21, 23 e 26 de decembro vai pechar ás 19:30 horas.