Lugo, a 5 de Novembro de 2014. ADEGA anuncia que o vindeiro venres 12 de decembro se celebrará en Lugo o III Festival de humor “RIR, POR NON CHORAR” ás 20.30 horas, no Salón de actos da Deputación de Lugo (Rúa San Marcos).
O III Festival de Humor “Rir por non Chorar” será cita nun mesmo espazo da defensa da Natureza e o Humor. A través deste festival queremos facer reflexionar ao público asistente sobre a importancia da conservación do medio natural e do noso patrimonio histórico cultural, ligados fortemente á nosa identidade, patrimonio material e inmaterial e como non, ao noso humor e retranca.
Os artistas convidados desta volta serán o lalinense Celso Sanmartín e o lucense Lois Pérez, que se encargarán de facernos “rir, por non chorar” desde a súa análise irónica e retranqueira de como se está a xestionar o territorio galego, nomeadamente, o medio natural.
O acto enmárcase dentro do proxecto Cultura e Territorio de ADEGA, co que colabora Área de Cultura e Turismo da Deputación de Lugo, e que ao mesmo tempo se desenvolve dentro da Campaña “Ponte no medio. Móvete polo Territorio”, a prol dunha ordenación territorial sustentable.
PARA PODER ASISTIR
As persoas interesadas en asistir como público ao Festival terán que recoller con antelación as entradas de balde desde o próximo martes nas dependencias da Área de Cultura da Deputación de Lugo (Rúa San Marcos), en horario de 9 a 15h; ou no local de ADEGA-Lugo (Ronda das Fontiñas 180, Entrechán) de 10 a 14h ou de 16:30 a 18:30h.
Poderanse entregar 2 convites por persoa.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
