Lugo, 9 de decembro de 2014.- O conselleiro de Economía e Industria, Francisco Conde, adiantou este martes en Lugo que Galicia Calidade asinará un convenio de colaboración co Clúster de Turismo de Galicia para o emprego da marca Galicia Calidade no sector da hostalaría galega. Tal e como explicou Conde, que sinalou que a iniciativa forma parte da estratexia de reforzo de Galicia Calidade, na que se está traballando na colaboración da marca con distintos sectores económicos da comunidade, o selo Galicia Calidade nas empresas turísticas e hostaleiras será un complemento á Q de calidade para incidir moito máis na orixe xeográfica e no concepto de calidade ligados a un sector estratéxico para a economía galega.
O conselleiro de Economía e Industria, que interveu na presentación da iniciativa Galicia Calidade en ruta que hoxe se desenvolve na Horta do Seminario para achegar a excelencia dos produtos gastronómicos certificados a profesionais e consumidores, destacou que máis de 70 produtos de empresas de Lugo de distintos sectores se comercializan xa co selo de Galicia Calidade, e animou ás compañías da provincia a incorporarse á marca.
Conde salientou que, nos seus preto de 20 anos de traxectoria, Galicia Calidade se ten consolidado como o símbolo dunha forma distinta e galega de facer as cousas, unha marca que representa o compromiso das empresas galegas por ofrecer os mellores produtos e servizos, e o uso das mellores prácticas para a produción, a elaboración e a comercialización.
Subliñou o conselleiro que esta aposta é clave para chegar aos mercados máis competitivos, como o mellor pasaporte para os produtos galegos, salientando que a consolidación de Galicia Calidade é un dos eixos de actuación da Estratexia de Internacionalización da Empresa Galega 2020, que se está a consensuar cos principais axentes económicos.
Conde destacou así mesmo que, dentro da estratexia de reforzo de Galicia Calidade, coa que se aspira a multiplicar o número de empresas e produtos certificados, se está a incidir tamén no coñecemento en Galicia deste selo de garantía e confianza para os consumidores, eido no que se enmarca a iniciativa que hoxe se desenvolve na Horta do Seminario en Lugo.
Galicia Calidade en ruta está enfocada aos profesionais do sector da gastronomía (hostalaría, restauración e retail), consumidores e prescritores, co obxectivo de poñer en valor os produtos do sector alimentario certificados por Galicia Calidade. Consiste nun roadshow no interior dun camión adaptado que, ademais de Lugo, visitará os vindeiros días Vigo (12 e 13), Ferrol (16) e A Coruña (19 e 20), e no que se realizarán diversos showcookings, catas de viños e degustacións de produtos amparados por Galicia Calidade. A iniciativa xa botou a andar o día 28 en Santiago e visitou Ourense e Pontevedra.
En Lugo desenvólvense dúas iniciativas: a primeira delas, denominada “Esencial”, consiste nunha degustación de “bocados de Galicia Calidade”, elaborados polo chef Iván Méndez, e que ofrece unha ampla mostra da versatilidade e excelencia dos produtos. A segunda, denominada “De viños Galicia Calidade”, consiste nunha maridaxe dos viños amparados por este selo con outros produtos como os xamóns, embutidos ou queixos, a cargo da enóloga Cristina Murga e o chef Iván Méndez.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
