Mondoñedo (Lugo), 4 de decembro de 2014.- O conselleiro de Cultura, Educación e Ordenación Universitaria, Xesús Vázquez Abad, anunciou esta tarde que o seu departamento ten previsto realizar novas actuacións para a restauración das vidreiras e da portada occidental da Catedral de Mondoñedo, o que suporá un investimento de máis de 60.000 euros. As obras están neste momento en fase de adxudicación, polo que poderían iniciarse no primeiro semestre de 2015. Na súa visita ao templo o conselleiro estivo acompañado polo deán da Catedral, Enrique Cal Pardo; polo alcalde de Mondoñedo, Orlando González; pola delegada da Xunta en Lugo; Raquel Arias; polo secretario xeral técnico da Consellería, Jesús Oitavén; polo bispo da Diocese de Mondoñedo-Ferrol, Manuel Sánchez Monge; e polo responsable de Patrimonio da Diocese, Félix Villares.
Segundo explicou o conselleiro as obras previstas irán dirixidas a resolver as patoloxías que presenta a portada occidental do templo a través da restauración deste conxunto pétreo, así como a restaurar a pintura mural do tímpano da mesma. Para iso elaboraranse mapas de estado de conservación, controis temporais de temperatura e humidade e análises específicas. Unha vez finalizadas estas probas e as correspondentes preconsolidacións procederase á eliminación de depósitos superficiais, pechado de fisuras e gretas, saneado e selado de xuntas, selado de xuntas e diversas tarefas de limpeza. Así mesmo, reporanse os volumes perdidos e elementos desprendidos ou fracturados, e procederase á consolidación e fixación de soporte, morteiros e posibles policromías no caso da portada; e de estucado, consolidación e fixación da capa pictórica no caso da pintura mural.
No caso das vidreiras , e unha vez finalizada a fase de ensaios e toma de datos previa, apearanse os paneis para limpalos e sanealos. Ademais, revisarase e consolidarase a rede de chumbo na que se sustentan os cristais, elaboraranse novos paneis para substituír aos deteriorados, e realizarase un control de microorganismos antes da reinstalación da vidreira. As melloras inclúen, en ambos os casos, a elaboración dun plan de mantemento e conservación preventiva.
O conselleiro sinalou este investimento como unha mostra máis do compromiso do seu departamento coa conservación dos elementos máis senlleiros do noso Patrimonio Cultural, “representados en xoias coma esta Catedral do século XIII”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
