A Coruña, 17 de decembro de 2014.- Dende este venres, e ata o próximo 6 de xaneiro, a Dirección Xeral de Tráfico pon en marcha un Dispositivo Especial de Medidas de regulación, ordenación e vixilancia do tráfico. Dará cobertura ao gran número de desprazamentos que se producirán durante estes días, cando se prevé que en Galicia cheguen a moverse ata 1.870.000 vehículos.
En relación a esta elevada circulación de vehículos, que supón un ascenso con respecto á campaña anterior, o delegado do Goberno en Galicia, Santiago Villanueva, instou esta mañá a todos os usuarios das vías, non só aos condutores, a ter sempre presentes dúas regras básicas en estrada: a prevención e a prudencia, que nos permitirán circular nas mellores condicións de seguridade. “A seguridade en estrada ten que ser un compromiso de todos”, dixo neste sentido.
O delegado do Goberno recordou que a causa principal dos sinistros en estrada continúan sendo as distraccións. As saídas de vía, as colisións por alcance e os atropelos, son os tipos de accidentes que máis se producen por distracción, sendo as distraccións máis comúns as que xeran os propios ocupantes do vehículo, os pensamentos e preocupacións persoais, a manipulación de dispositivos varios e o uso do móbil.
Recomendacións
Villanueva insistiu en que, antes de saír de viaxe nesta época, hai que tomar unha serie de medidas con vistas a evitar calquera incidencia previsible en estrada. Como é habitual nesta época do ano, as condicións meteorolóxicas de chuvia, xeo, néboa e mesmo neve, poden ser condicións adversas para a condución, polo que é imprescindible dispoñer da información adecuada para planificar correctamente as viaxes e asegurarse de que o vehículo está en perfectas condicións. Instou a extremar a precaución, sobre todo, en traxectos curtos e nocturnos. Ademais, aínda non sendo obrigatorio, recoméndase usar a luz de cruzamento durante todo o tempo de condución, mesmo de día, cando tamén se aconsella a ciclistas e peóns levar postas pezas de alta visibilidade.
Como sinalou a coordinadora da DXT en Galicia, para esta Campaña de Nadal, a DXT contará coa máxima dispoñibilidade dos seus medios materiais e humanos. As Medidas Especiais da Operación de Tráfico de Nadal que poñerá en marcha a DXT, teñen como finalidade: facilitar a mobilidade e fluidez do tráfico, así como velar pola súa Seguridade Vial, nas estradas de accesos a zonas turísticas e de montaña, así como a grandes núcleos urbanos e comerciais, onde se prevén desprazamentos masivos de vehículos; manter nas debidas condicións de seguridade a circulación nas estradas con tramos ou zonas afectadas por condicións meteorolóxicas adversas; e informar puntualmente sobre calquera incidencia en estrada a través do Servizo de Información de Tráfico.
Vixilancia e control
O xefe do sector Tráfico da Garda Civil en Galicia, sinalou que a Agrupación de Tráfico da Garda Civil en Galicia incrementará a vixilancia e control sobre o comportamento dos usuarios das vías e o estado dos vehículos e das infraestruturas. Preto dun millar de efectivos ocuparanse diso, incidindo principalmente no control de alcohol e drogas, no control de velocidade, nas distraccións, no uso de elementos de seguridade (cinto, sistemas de retención infantil e casco), estado dos vehículos (ITV, pneumáticos, iluminación e sinalización, limpaparabrisas, etc.) e estado das vías (informarase aos titulares e concesionarias, a través da Xefatura Provincial de Tráfico correspondente, das posibles deficiencias nas vías que poidan afectar á seguridade dos usuarios destas).
Alcohol e drogas
A data de hoxe, e ata o próximo domingo, mantense a campaña de control de consumo de alcohol e drogas que arrancou o pasado luns. Durante toda a semana, axentes da Agrupación de Tráfico da Garda Civil intensifican nas vías galegas os controis neste sentido. Igualmente, potenciouse a colaboración cos concellos para realizar controis en zonas urbanas, con especial incidencia nas zonas de ocio nocturno.
O delegado do Goberno recordou que o alcohol é un factor concorrente ou determinante nun terzo dos accidentes de circulación con vítimas mortais. A súa presenza na condución multiplica entre 2 e 15 veces os riscos de sufrir un sinistro e constitúe un factor agravante das súas consecuencias. Incidiu na importancia de concienciar sobre os perigosos binomios alcohol- condución e drogas-condución, que en moitas ocasións son sinónimas de morte.
Durante as habituais comidas propias desta época do ano, como é habitual, os axentes seguirán intensificando os controis de alcohol e drogas en todo tipo de estradas a todos os condutores co obxectivo de disuadilos de conducir cando consuman o sinalado. A prudencia debe ser sempre o primordial aliado á hora de compaxinar a condución con este tipo de reunións ou eventos.
Nestes meses nos que as festas familiares e as celebracións de empresa son algo frecuente, dende a Garda Civil de Tráfico quérese transmitir os condutores que un dos obxectivos primordiais do seu labor é procurar que ningún condutor que se vexa minguado nas súas facultades para conducir, poida facelo.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
