Santiago, 9 de decembro de 2014.- O Grupo Parlamentario Popular incorporou cinco emendas aos ditame do proxecto de orzamentos da Consellería do Medio Rural e do Mar para 2015 que, en opinión dos populares, “melloran e complementan a previsión de gastos”.
Entre elas, o deputado do Grupo Popular, Jose Manuel Balseiro, salientou a dirixida a destinar 154.000 euros para asinar diversos convenios de apoio ao funcionamento da federación galega e das federacións provinciais de confrarías de pecadores.
Os populares buscan frear a posible perda de competitividade que puideran sufrir estas entidades profesionais por mor da crise e blindar un mellor funcionamento dos servizos que estas mesmas prestan aos distintos pósitos. Balseiro defende que as federacións de confrarías “poden e deben ser o vehículo axeitado para as tarefas de consulta da administración, posto que dispoñen de acceso á información xeral e ás necesidades de todas e cada unha das confrarías e un maior coñecemento á hora de definir actuacións de xestión e ordenación do sector marítimo-pesqueiro”.
SOFOR E XENÉTICA FORESTAL
Os populares tamén defenderon unha emenda dirixida a impulsar unha liña específica de axudas á posta en marcha das SOFOR (as sociedades de fomento forestal) que suporán, en opinión de Balseiro, “un paso adiante na xestión forestal galega, sometida a un forte minifundismo que pretendemos superar”.
Balseiro explicou que en breve espazo de tempo botarán a andar este tipo de sociedades e precisarase dun acompañamento da súa etapa inicial, tanto no propio funcionamento interno como na relación coa administración. “O estímulo da súa posta en marcha mediante axudas deberá seguir ata que os resultados destas primeiras iniciativas sirvan de exemplo para as restante”, defendeu.
Continuando no ámbito dos montes, os populares defenderon reorientar 30.000 euros para investimentos na mellora xenética forestal. Neste aspecto, Balseiro defendeu que conseguir “máis e mellores plantacións e un maior rendemento debe ser unha vía para favorecer o aproveitamento do monte, pero tamén como ferramenta de disuasión ante os lumes forestais”.
Finalmente, os populares incluíron dúas emendas técnicas. Unha primeira destinada a corrixir un erro material nas axudas para montes en man común: onde figuraba só o concello lucense de As Nogais deben figurar a porcentaxe que recibirán neste concepto os distintos concellos da montaña lucense. E outra dirixida ao programa de mellora xenética do frisón de Galicia, que aparecía como transferencia de capital cando debería ser unha transferencia corrente.
FONDO EUROPEO MARÍTIMO E DA PESCA
Balseiro volveu a insistir na súa defensa ás contas da Consellería do Medio Rural e do Mar para 2015 e, en concreto, quixo felicitar e poñer en valor a xestión da conselleira Rosa Quintana e do Ministerio tras confirmarse que Galicia recibirá máis da metade das axudas do Fondo Europeo Marítimo e da Pesca, máis de 371 millóns de euros que se sumarán aos recursos da Consellería
Tamén, e por coherencia coa defensa pechada dos orzamentos para o ano próximo, desde o Grupo Popular rexeitaron ás emendas formuladas pola oposición que, segundo explicou Balseiro, “están caracterizadas pola súa falta de rigor e seriedade”, ata o punto de que “non foron capaces de explicar como as forzas da oposición votan uns a favor dos outros cando, como exemplificou, moitas emendas colisionan e restan recursos nas mesmas partidas que outros pretenden aumentar”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
