Lugo, 12 de decembro de 2014. O responsable de Cultura e Turismo, o nacionalista Mario Outeiro, presentou este venres o Nadal Cultural, un programa que encherá de múltiples e variadas actividades as vacacións para os máis pequenos da casa, aínda que tamén haberá propostas para todos os públicos. Ao acto de presentación achegouse tamén o Apalpador, que baixou a propósito dende as montañas para anunciar a súa visita nas vindeiras festas natalicias.
Mario Outeiro remarcou que a Área de Cultura volve ofrecer “unha intensa programación cultural pensada para todos os públicos e, por suposto, aberta e gratuíta para quen estea interesado nela”, sinalou. O responsable provincial desgranou o programa, que se podería dividir en tres grandes bloques. “Por quinto ano consecutivo, volve incluír os Cantos de Nadal, no que as panxoliñas interpretadas por once corais locais inundarán de música as rúas e prazas da cidade de Lugo”, sinalou.
Outra das grandes iniciativas é o Nadal Miúdo. “O Nadal estará presente na programación par ao público infantil, cos obradoiros ‘Fabricando o Nadal’, que se desenvolverán os luns 22 e 29 de decembro de 10:30 a 13 horas no sala de exposicións do Pazo de San Marcos. Así mesmo, teremos a visita do Apalpador polas rúas de Lugo, que se levará a cabo o mércores 24 pola tarde e o espectáculo ‘O Crebanoces’ de Larraitz Urruzola, dirixido a un público infantil e familiar, que se desenvolverá o venres 2 de xaneiro ás 17:30 horas”, explicou.
Finalmente, Outeiro indicou que “tamén haberá unha serie de actividades dirixidas a todos os públicos, xa que o venres 2 de xaneiro teremos no Refectorio do Museo Provincial o concerto ‘O Nadal é conto’, de Celso F. Sanmartín, e o mércores 7 de xaneiro pecharase o programa co concerto no Pazo de San Marcos de ‘Talabarte’”, concluíu.
O Apalpador reivindicou a súa figura
Pola súa banda, O Apalpador reivindicou a súa figura diante das exportadas dende fóra. “Non fai falta que os nenos da provincia de Lugo e de Galiza recorran a Papá Noel e aos Reis Magos, que teñen que vir dende moi lonxe. Aquí ao carón estou eu para cumprir cos seus desexos e comprobar que están ben alimentados despois da cea de Noiteboa”.
NADAL CULTURAL 2014
CANTOS DE NADAL
Outro ano máis, e van cinco, as panxoliñas interpretadas polas Corais de Lugo inundarán as rúas da cidade durante o Nadal, desde a Praza do Campo até a Rúa da Raíña, pasando polo fondo da Praza Maior, a Rúa San Marcos ou a Praza de Santo Domingo. Así, Lugo será un ano máis o mellor escenario para gozarmos do bo facer duns Grupo Corais, en total once, que van colaborar para que estas datas sexan un pouco máis entrañábeis.
LUNS 22
Coral Polifónica Xolda
Comezan ás 18 horas na Praza de San Marcos – Rúa da Raíña – Praza Maior.
Orfeón Xoán Montes
Comezan ás 19.00 horas na Praza de San Marcos – Rúa da Raíña – Praza Maior.
Coral Amigos do Camiño de Santiago
Comezan ás 20 horas na Rúa da Raíña – Praza Maior – Praza do Campo.
MARTES 23
Coral Novo Amencer
Comezan ás 12.30 horas na Praza de San Marcos – Praza de Santo Domingo – Rúa da Raíña – Praza Maior.
VENRES 26
Coro Ecos do Miño – ASTELU
Comezan ás 18 horas na Praza de San Marcos – Rúa da Raíña – Praza Maior.
Schola Gregoriana
Comezan ás 19 horas na Praza de San Marcos – Rúa da Raíña – Praza Maior.
LUNS 29
Cantar Delas
Comezan ás 18.00 horas na Praza de San Marcos – Rúa da Raíña – Praza Maior.
Coral Hospital Xeral – Calde
Comezan ás 20.00 horas na Rúa da Raíña – Praza Maior – Praza do Campo.
MARTES 30
Coro de San Antonio
Comezan ás 12.30 na Praza de San Marcos – Praza de Santo Domingo – Rúa da Raíña- Praza Maior.
Conxunto Vocal Lugh
Comezan ás 20 horas na Rúa da Raíña – Praza Maior – Praza do Campo.
Orfeón Lucense
Comezan ás 20 horas na Praza Maior – Praza do Campo – Rúa da Raíña.
NADAL MIÚDO
LUNS 22 e LUNS 29 de decembro de 10.30 a 13.00 horas.
“Fabricando o Nadal” con Revolta Natural (Sala de Exposicións do Pazo de San Marcos) (Obradoiros para nenas e nenos de 6 a 12 anos).
A través da elaboración de sinxelos xogos e xoguetes tradicionais, as e os miúdos van aprender o valor da ilusión fronte o consumismo tan común nestas datas. O número de prazas para cada obradoiro é de 30 e cubriranse por estrita orde de inscrición tendo como prazo límite para anotarse o venres anterior a cada obradoiro. Por cada obradoiro reservaranse dúas prazas para persoas con diversidade funcional.
Inscrición en www.revoltanatural.org | Teléfono de contacto: 600 034 907
MÉRCORES 24 de decembro ás 17:00 horas.
“O Apalpador polas rúas de Lugo”
Nas vésperas da Noiteboa, o Apalpador baixará das montañas do Courel, para percorrer as rúas de Lugo na procura de nenas e nenos aos que sorprenderá, acompañado do seu axudante e do seu burro fariñeiro, nunha tarde na que non faltará a música pois estarán acompañados polo grupo “A quinta do lobo”.
VENRES 2 DE XANEIRO ás 17:30 h. (Público infantil e familiar)
“O Crebanoces” con Larraitz Urruzola (Sala de Exposicións do Pazo de San Marcos)
Na noite de Nadal o padriño regálalle á pequena Clara un crebanoces con forma de boneco. De tanto partir noces, o boneco acaba rompendo, e Clara desgústase moito. Para consolala o padriño contaralle a historia do boneco Crebanoces, xa que o Crebanoces na realidade é un valente personaxe que loitou co seu exército de xoguetes contra a raíña dos ratos. Espectáculo de monicreques de mesa, con manipulación mixta, e narración cara ao público, inspirado no conto de Hoffman. Dirixido a un público familiar, o espectáculo acompáñase da música de Tchaikowsky.
…e moito máis para gozar da cultura…
VENRES 2 DE XANEIRO ás 20.30 horas.
“O Nadal é Conto” con Celso F. Sanmartín” Refectorio do Museo (Para todos os públicos).
Recoller os contos e as historias da memoria da xente máis maior, dá unha perspectiva da vida como de goma elástica: lonxana e próxima a un tempo, emotiva, chea de forza, subxectiva, pero tamén obxectiva en canto á parte material da vida. O Nadal de antes, non é como o de agora. O Nadal é conto, igual que a vida é conto, porque se conta
MÉRCORES 7 DE XANEIRO ás 20.30 horas.
Concerto Sala de Exposición do Pazo de San Marcos (Para todos os públicos)
“Talabarte”
Un novo concepto de formación, estritamente acústico e baseado na música tradicional. Neste proxecto únense tres músicos indispensables dentro da escea musical galega o violino de Quim Farinha, o acordeón diatónico de Pedro Pascual e o contrabaixo de Kin García. Xuntos propoñen unha viaxe a través das músicas populares de Galicia e de outras latitudes. O repertorio complétase con composicións propias. Todo isto aliñado con distintos enfoques estéticos que van desde a linguaxe do jazz pasando polo tango ata a tradición musical europea.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
