A MARIÑA, 22 DE DECEMBRO DE 2014.- Os alcaldes socialistas da Mariña –A Pontenova (Darío Campos), O Valadouro (Edmundo Maseda) e Viveiro (María Loureiro)- denuncian “o xogo sucio” co que o PP modificou ILP do HULA, pois “o único que pretenden é impedir que o Hospital da provincia dispoña de Hemodinámica as 24 horas, Radioterapia e Medicina Nuclear”. Por este motivo, piden a dimisión dos deputados autonómicos da comarca –José Manuel Balseiro e Vidal Martínez-Sierra-, xa que “co seu voto avalaron unhas emendas que corrompen a orixe da Iniciativa Lexislativa Popular”.
Neste senso, acusan ao Goberno galego de “poñer en xogo” a saúde dos lucenses, pero tamén a dos mariñanos, pois, concretamente, neste comarca a Consellería tamén anunciou que o servizo de quimioterapia ía estar antes de finais de ano e, a día de hoxe, “aínda no fixo nada”, indican.
Neste caso concreto, ademais, subliñan, “aínda non nos concretaron con cantos oncólogos imos contar, así como se se van tratar todos os tipos de cancro porque, dependendo duns e outros, non nos van a evitar desprazamentos a Coruña ou a Santiago. Claro está, que se o HULA dispuxese destes servizos, o traxecto seríanos máis curto”. Por tanto, engaden, “estas preguntas que dende o PSOE non facemos deberían de ter resposta antes de facer estes anuncios, pois detrás deles hai unha clara intención de enganar aos mariñáns unha vez máis, porque a sanidade pública aos Gobernos do PP non lles interesa, xa que foron eles os que decidiron desmantelar e privar de autonomía ó noso hospital”, subraian.
Para os socialistas, “a carteira de prestacións públicas do Hospital non se amplía infradotando distintos servizos, senón cumprindo os compromisos”. E é que o hospital oncolóxico de día “lévano anunciando dende que se aprobou a área de xestión integrada, pero a realidade é que cada día uns 100 mariñáns viaxan periodicamente a Lugo para recibir tratamentos de quimioterapia ou ata a Coruña se precisan tamén radioterapia”.
A responsabilidade dos deputados do PP
Neste senso, os rexedores socialistas apelan á responsabilidade dos deputados autonómicos do PP, pois “o que queremos son feitos que contribúan a garantir unha Sanidade pública e de calidade”. E é que a súa forma actuar, destacan, é sempre a mesma”. “Non hai máis que ver como fixeron cando anunciaron a hospitalización a domicilio para a Mariña”. Neste caso, sinalan, aproveitaron un gran momento de tensión dos usuarios e dos profesionais debido a todos os recortes e privatizacións dos Gobernos do Partido Popular para publicitar un novo equipo en poucos meses, pois cunha soa unidade era difícil prestar un servizo eficaz para toda a comarca dada a distribución xeográfica e demográfica da Mariña. “A día de hoxe seguimos esperando tamén pola segunda unidade”, conclúen.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
