Lugo, 18 de decembro de 2014.- A deputada no Congreso –Margarita Pérez Herraiz- critica a dificultade para conseguir información do Goberno sobre materias específicas importantes para a provincia como as infraestrutruras que Fomento ten pendentes ou as escolas-obradoiro. E é que, nas últimas respostas emitidas ás preguntas realizadas pola socialista, predomina “a opacidade e a inconcreción”; cuestión que para Herraiz denota “unha clara falta de compromiso” por parte do Executivo de Rajoy.
“Ningunha destas informacións se facilitaron ao Grupo socialista no Congreso, complicando así o labor de control parlamentario e, todo iso, a pesares de que acaban de sacar a famosa Lei de Transparencia e de que facilitar información á Oposición é unha obriga que debe cumprir, por certo, calquera goberno democrático”, afirma.
A imprecisión do Goberno ao detalle
Deste xeito, esta dificultade que critica a deputada pode observarse claramente na resposta dada a preguntas que a socialista formulou nos últimos meses. Son as seguintes:
– Grado de execución sobre as partidas de 2014 das autovías A-54, A-56 e liña de Alta Velocidade Lugo-Ourense. Fomento só reflicte as obrigas recoñecidas por treitos. En ningún momento, fai referencia ao grado de execución deste ano, tal e como se especifica na pregunta rexistrada por Herraiz no mes de outubro.
– Número de efectivos da Garda Civil e da Policía, e a súa distribución por localidades. Respostan á distribución para o total da provincia, pero non concretan a variación por localidades.
– Como valora o Goberno que a Xunta de Galicia, a partires de 2011, deixase practicamente de empregar como ferramenta para a integración laboral as escolas-obradoiro, a pesares de que o plan de acción para o emprego as segue considerando últiles. Neste caso, o Executivo indica que as persoas formadas en Galicia en 2012, segundo o Anuario de Estatísticas do Ministerio de Emprego e Seguridade Social, son 2.065. A resposta non convence á socialista, pois a información publicada indica que os beneficiarios tan só foron 26. É, por este motivo, polo que Pérez Herraiz, volve a realizar a pregunta, pedindo ao Goberno que aclare esta diferencia nos datos e se o erro está no ano ou no número de participantes. A resposta, neste caso, non só é inconcreta, senón que, tal e como subraia a socialista, “se saen polos cerros de Úbeda”.
– Execución de conservación e seguridade vial na provincia por treitos. Tal e como xa indicaron os socialistas en días pasados, a contestación refírese á execución conxunta das dúas partidas e non ao acometido por treitos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
