Nas explotacións gandeiras do concello de Lourenzá están aparecendo un número moi alto de animais reaccionantes á proba da tuberculose bovina, o que está provocar unha fonda preocupación no conxunto do sector.
Cabe dicir que resulta dificilmente explicable o feito, tratándose de explotacións nas que non se ten producido ningún caso de positivos nos últimos anos (nalgúns casos nunca), non se teñen mercado animais fóra da explotación, non estiveron en contacto cos de outras explotacións infectadas, …
Desde o SLG vemos moitas similitudes co acontecido fai agora un ano no concello de Foz, onde tamén apareceran un número inusualmente alto de animais reaccionantes e diagnosticados como positivos, dos cales foron confirmados en laboratorio moi poucos casos.
Destacar tamén o feito de que se está a proceder ao saneamento aos seis meses do que se realizou no ano pasado, cando o normal é deixar pasar un ano entre campañas; e tamén que, en alguns casos, administración da tuberculina e a análise da reacción cutánea a realice unha única persoa, cando a Consellería esixe que eses traballos os realice un equipo de, polo menos, dúas persoas.
O Sindicato Labrego Galego está a contactar coas explotacións afectadas para ver cómo se está a desenvolver a campaña de vacinación, asi como as medidas que se están a tomar. Imos demandar da Administración medidas para que o saneamento se realice con todas as garantías para as explotacións. Cumpriría facer estudos en profundidade deste tema para evitar falsos positivos e prexuízos innecesarios para as explotacións. Alén da incertidume e da preocupación derivada da sospeita da saúde da cabana, as explotacións onde se marcan animais reaccionantes fican inmobilizadas, cando menos 45 días, até as seguintes análises, co que isto supón: restriccións para a saída de animais e poder enviar os xatos só para uns poucos cebadoiros autorizados coa conseguinte perda de prezo.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
