“O PP difama contra todo canto se pon por diante para agochar a incompetencia e irresponsabilidade de Mónica Pedre á fronte da Concellaría de Educación”. Deste xeito saía ao paso o portavoz municipal do BNG en Burela, Mario Pillado, tras as declaracións do Sr. González Barcia en relación á Escola de Música. “Se hai alguén que non está lexetimado para dar leccións neste asunto, é o Goberno Municipal do Partido Popular”, despois de quedar probado que actuou con “vontade de represalia” contra dous profesores da Escola de Música, tal como se recolle nas sentenzas dictadas polo xulgado do social de Lugo.
A demagoxia do Sr. Barcia é de tal calibre que mesmo se atreve a dicir que “non vai consentir que se critique a ningún empregado municipal”, cando durante meses se dedicou a atacar furibundamente a dous traballadores da Escola de Música con nomes e apelidos só para procurar algún rédito político. En palabras de Pillado, “resulta cando menos curioso que só se lles reducise a xornada laborar a estes dous profesores” e que un xulgado emita dúas sentenzas favorables a ambos traballadores e obrigue ao Concello a repórlles as condicións laborais previas.
O voceiro nacionalista non vai entrar no xogo do PP para desviar a antención do que realmente interesa, mais advirte que tampouco vai tolerar descualificacións persoais totalmente infundandas. Pillado esixe ao Sr. Barcia que sexa responsable neste asunto e que abandoe a estratexia do “difama que algo queda”. “O PP hai tempo que sobrepasou todas as liñas vermellas e lamentablemente aínda permace instalado na práctica do descrédito persoal como única arma política, quedando en evidencia a falta total de argumentos minimamente cribles”, sinalou o portavoz nacionalista.
Queda claro que o Sr. Barcia só procura montar o máximo barullo posible para tentar desviar a atención e eludir a dimisión de Mónica Pedre. Pillado sostén que a Concelleira “debe presentar a súa dimisión de forma inmediata como responsable da precarización laboral de dous traballadores, ao quedar demostrado xudicialmente que se actuou de forma inxustificada e cunha clara vontade represiva, antepoñendo intereses particulares ao interese xeral”. O Grupo Municipal do BNG velará pola execución íntegra das sentenzas e continuará a defender en todo momento unha ensinanza musical pública e de calidade en Burela.
Mario Pillado.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
