O Valadouro, 20 de xaneiro de 2015.- O BNG levará aos plenos municipais a demanda da Asociación Protectora de Animais Valadouro-Alfoz para a creación dun refuxio de animais que prestaría servizo aos dous concellos de maneira mancomunada. Esta asociación vén demandando a creación dun espazo de acollida de animais abandonados e recibiu o compromiso do goberno local do Valadouro de fornecer este espazo, e o compromiso do goberno de Alfoz para colaborar mancomunandamente no mantemento das futuras instalacións, as cales, serían xestionadas pola referida asociación, aforrando ao concello o persoal na dotación dun servizo que ten obriga de prestar. Os meses pasan sen que esta actuación sexa unha realidade o que motiva ao BNG a impulsar este proxecto comprometendo ao conxunto da corporación para dotalo economicamente e establecendo prazos de execución acordados coa asociación.
Piden concreción das promesas realizadas polo goberno local á protectora para contar cun refuxio de animais
A organización nacionalista no val pretende levar aos plenos municipais que se celebrarán a finais de mes nos dous concellos unha moción que comprometa ás corporacións municipais na execución de promesas realizadas polos gobernos locais á Asociación Protectora de Animais Valadouro – Alfoz, de momento sen concreción real, sobre a creación dun refuxio de animais que preste servizo aos dous concellos do Val.
Hai que agradecerlle o traballo á asociación protectora cumprindo coa parte que lle toca aos concellos
Segundo explicou, Eduardo Chao, portavoz municipal do BNG no Valadouro, a asociación protectora de animais con ámbito de traballo nos dous concellos irmaos, “ofreceuse a xestionar o refuxio de animais polo que debe agradecéreslle un traballo que de non facelo ela teríano que facer os concellos”; “o lóxico e correcto é que os concellos, tanto Alfoz como O Valadouro, cumpran coa súa responsabilidade e compromisos facendo realidade este refuxio”, afirmou Chao.
Reclaman dotación económica e prazos de execución comprometendo ao conxunto da corporación local
O BNG reclama dotación económica para esta actuación e prazos de execución para este refuxio que se instalaría en zona lonxe de vivendas, previsibelmente nas proximidades do punto limpo, e debe contar coas características básicas de seguranza e hixiene propias deste tipo de instalacións.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
