O Burela FS Pescados Rubén espera a 18ª xornada de Primeira División LNFS co obxectivo de sumar os tres primeiros puntos da segunda volta e de 2015. Logo de visitar a Inter Movistar (5-0) e poñer contra as cordas ao FC Barcelona (2-3), o equipo laranxa recibirá este sábado ao 13º clasificado (17 puntos), Levante UD DM, que chega a Vista Alegre logo de impoñerse a Prone Lugo (2-1) e romper así unha racha de oito xornadas sen coñecer a vitoria. Os mariñaos saltarán á pista ás 18.30 horas, custodiando a novena praza, con 22 puntos.
No partido de ida, os levantinistas sumaron os tres puntos, con resultado de 5-3. “Aquel día estabamos moi mermados” recordaba Juanlu a cita na que non puido dispoñer nin de Chano, por lesión, nin de Mata, por sanción, ademais de de sufrir as retiradas de Miguel e Edu, por lesión. Aínda que o técnico mariñao tamén admite a complexidade do Levante para o xogo laranxa: “É un rival que nos incomoda; defende ben e sabe competir. Cometen poucos erros e conceden pouco ao rival” advertía Juanlu.
O adestrador laranxa tamén falou de Ossorio, última incorporación do Levante: “É un xogador de moitísimo talento; leva varias tempadas sen xogar en Primeira, pero si está ao cento por cento ten unha gran capacidade para desequilibrar”.
Juanlu recupera a Jorge Bellvert para mañá, tralas precaucións tomadas ante Barcelona por certas molestias no pé que o mantivo apartado das pistas desde novembro ata comezos de 2015, en casa de Inter; logo de tres meses sen competir por unha contusión ósea, Miguel tamén regresa á convocatoria. Non estarán os canteirans Hélder e Renato, que defenden este fin de semana a Galicia no Campionato de España de Seleccións Territoriais en Barcelona pero sí que estará o canteirán Rubén que estrea convocatoria co primeiro equipo. Nas filas levantinas, a única ausencia será a de Carlitos, por lesión; incorporan a Rafa Ara, do filial.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
