Barreiros, 16 de xaneiro de 2015. O vicepresidente da Deputación de Lugo, o nacionalista Antonio Veiga, visitou esta tarde no centro social de San Cosme, en Barreiros, a un grupo de usuarios e usuarias do programa de ximnasia no rural impulsado pola institución provincial e no que participan máis de 500 persoas na comarca da Mariña, pertencentes a 26 asociacións de 12 concellos da comarca.
Antonio Veiga felicitou aos participantes na clase de hoxe, na súa maioría persoas maiores pertencentes á Asociación de Mulleres Rurais de Barreiros, por “mantérense activos” e por “facer cousas en común”. Neste sentido, destacou a doble finalidade coa que naceu o programa Mo-vémonos, unha iniciativa que promove a área de Benestar Social e Deporte da institución provincial co obxectivo de achegar a práctica de exercicio físico a toda a poboación, ao tempo que se fomenta a interrelación persoal e social da cidadanía. O vicepresidente da Deputación animou aos participantes nas clases a seguir facendo exercicio porque, dixo “o deporte non só é para á xente nova e significa tamén estar coidando a saúde”, afirmou.
Un total de 26 asociacións da comarca da Mariña participan neste programa de ximnasia impulsado pola Vicepresidencia da Deputación. Entre as asociacións mariñás participantes no programa Mo-vémonos atópanse colectivos de persoas maiores, como a Unión Democrática de Pensionistas Val de Miranda da Pontenova; asociacións de carácter social como a Confederación Galega de Minusválidos da Mariña, a asociación de Axuda ao Enfermo Mental da Mariña, ASPANANE, a asociación Camiña de Burela ou a asociación de Familiares de Enfermos de Alzheimer de Viveiro; e asociacións de veciños de distintas parroquias da Pontenova, Barreiros, Cervo, Mondoñedo, Lourenzá, Riotorto e Trabada.
“Un motivo para xuntarse e verse os veciños”
Antonio Veiga destacou a importancia destas sesións de ximnasia en canto “se converten nun motivo para reunirse, un motivo de encontro social, creando vida nas parroquias que cada vez están menos poboadas e presentan unha alta taxa de avellentamento na poboación, e que de non ser por iniciativas como a que este venres presentamos, terían como único punto de reunión a misa dos domingos”.
“Con este programa cubrimos unha demanda existente por parte das asociacións da provincia: achegar a todas as parroquias do rural servizos dos que unha persoa que vive na cidade ou nunha vila grande dispón”, explicou o vicepresidente da Deputación, o nacionalista Antonio Veiga. Os dous grupos beneficiarios deste programa son persoas maiores de concellos pequenos do rural e colectivos sociais de toda a provincia. “A posta en marcha deste servizo é a expresión das principais liñas de traballo da Vicepresidencia da Deputación durante estes últimos anos, nos que tentamos que todo o noso traballo vaia dirixido a mellorar o benestar das persoas que viven no rural, aos que a Xunta lles afasta cada vez máis os servizos, e dos colectivos en risco de exclusión, para os que outras administracións, nomeadamente a Xunta de Galiza, seguen a reducir o seu apoio económico”, dixo.
Unha actividade totalmente gratuíta
Baixo o lema Ximnasia no rural, deporte para todos e todas, a Vicepresidencia da Deputación puxo en marcha este programa o pasado mes de setembro, e que leva ximnasia dúas veces por semana a un cento de asociacións e colectivos sociais de toda a provincia de Lugo, favorecendo a actividade física e a interrelación social de máis de 2.000 persoas en toda a provincia. O programa deu comezo o 15 de setembro e rematará no mes de xuño e dispón de dúas liñas diferenciadas de actuación. A primeira vai dirixida a asociacións de capacidades diferentes e a colectivos que traballan con persoas en risco de exclusión social. A segunda liña vai dirixida a asociacións do medio rural, e nela poden participar entidades sen ánimo de lucro de concellos de menos de 5.000 habitantes. A actividade consiste en levar de xeito totalmente gratuíto un monitor o local social da asociación. Búscase chegar a localidades que pola pouca poboación, ou avellentamento ou a súa dispersión non dispoñen de medios para realizar actividades sociais, ofrecendo unha actividade física non competitiva coa que se busca a integración social e unha mellora da saúde.
A actividade é 100% gratuíta e está sufragada na súa totalidade pola Vicepresidencia da Deputación e para as cales desprázase un monitor dous días a semana ao domicilio social da entidade ou lugar de celebración que ela elixa, recortando os custos de desprazamento dos usuarios. O orzamento que destina a institución provincial para pór en marcha o programa no conxunto da provincia ascende a 185.760 euros.
Encontros de carácter comarcal
Para favorecer a interrelación entre os participantes das distintas asociacións incluídas no Mo-Vemonos, celebraránse distintos encontros e xornadas de convivencia a nivel comarcal, como o que se celebrou en Mondoñedo o pasado 20 de decembro e no que participaron préto de 300 usuarios e usuarias do programa Mo-Vémonos chegados de toda a comarca da Mariña. Este tipo de encontros inclúen clases de ximnasia e outras disciplinas, así como actividades culturais.
ASOCIACIÓNS DA COMARCA DA MARIÑA PARTICIPANTES NO PROGRAMA MO-VÉMONOS
San Xulián de Vilaboa (A PONTENOVA)
UDP Val de Miranda (A PONTENOVA)
Asoc. O Cazcallal de Vilamar (BARREIROS)
Asoc. A Parrala da Rilleira (BARREIROS)
Asoc. Irmandade San Caetano Celeiro de Mariñaos (BARREIROS)
Asociación de Mulleres Rurais de Barreiros (BARREIROS)
Asociación Camiña (BURELA)
Asoc. De Axuda ó enfermo mental “A Mariña” (BURELA)
Fundación Eu Son (BURELA)
AFAN Burela (BURELA)
A. Veciños Burgo de Trasbar (CERVO)
AA.VV. San Román de Vilaestrofe (CERVO)
A. Asistencial Virxe do Carme de Foz (FOZ)
Asociación Veciños O Refuxio de San Xorxe (LOURENZÁ)
Centro San Pablo e San Lázaro (MONDOÑEDO)
Escola do Carmen (MONDOÑEDO)
As. Veciños o Castelo de Oirán (MONDOÑEDO)
Ana Belén Durán Martínez (MONDOÑEDO)
A.V. San Andrés de Masma (MONDOÑEDO)
Irmáns Vilar Ponte (OUROL)
COGAMI A Mariña (RIBADEO)
Asociación Arrincadeira (RIOTORTO)
Asociación Pobo de Miranda (RIOTORTO)
Asociación Os tres Pés (TRABADA)
ASPANANE (VIVEIRO)
AFAVI (VIVEIRO)
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
