Cervo, 16 de xaneiro de 2015- O Concello de Cervo fixo balance do programa de compostaxe doméstica que ten activo co obxectivo de promover a reciclaxe e reutilización dos residuos orgánicos domésticos e contribuír co medio ambiente. Nos últimos anos, o goberno local ten entregado de forma gratuíta un total de 130 composteiros ao mesmo número de familias cervenses. Desta maneira, son máis de 100 fogares os que practican compost a través destes dispositivos facilitados polo Concello.
Todos os anos o goberno local reparte novos lotes para seguir estendendo este hábito, sempre tendo en conta a demanda dos veciños. No 2014 entregáronse 20 composteiros, e no primeiro trimestre de 2015 está previsto outro reparto, que se fai sempre por orde de solicitude. Por iso, o Concello informa de que para obter un composteiro é necesario anotarse, contactando co departamento de Medio Ambiente.
Uns actos nos que, ademais de facilitar os composteiros, o Concello dá consellos prácticos sobre a súa utilización, “porque tan importante es practicar el compostaje como sacarle provecho y conseguir un compost de calidad” asegura a edil de Medio Ambiente, Begoña Alonso.
“Hay que tener en cuenta que el proceso es muy sencillo, siempre que se haga de la forma correcta, echando solamente los residuos indicados y siguiendo ciertas rutinas de mantenimiento”, engade Alonso. Pero ademais, os veciños teñen á súa disposición un servizo de asesoramento continuado para resolver calquera dúbida. Ao mesmo tempo, faise un seguimento para comprobar e garantir que o composteiro se está utilizando correctamente.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
