Mondoñedo, 28 de xaneiro de 2015. O GDR da Mariña, asociación que xestiona o Programa Leader 2007-2013 na comarca- nos 14 concellos desde Viveiro a Ribadeo pola costa e desde Trabada a Ourol polo interior- , vén de pechar o exercicio correspondente ao ano 2014. Segundo os datos facilitados desde o equipo técnico do grupo pola xerente, Ana Ermida, “as axudas pagadas no 2014 a proxectos que se desenvolveron na Mariña, ascenderon a 548.126,66 euros”.
Entre os proxectos que recibiron axudas podemos atopar investimentos tan dispares como centros de día para persoas maiores, talleres mecánicos ou empresas forestais,”en todo caso, sempre pequenas ou medianas empresas que comezan a súa actividade ou amplían a xa existente con novas técnicas ou produtos”, exlican desde a xerencia.
Para este ano 2015, o grupo mariñao dispón dun orzamento de 1.075.293,48 euros que se destinarán a facer efectivas axudas dos proxectos que están presentados e que agardaban pola existencia de fondos para poder cobrar.
“Aínda que cos proxectos que temos en espera temos previsión de superar o orzamento asignado, o prazo para a solicitude de axudas está aberto ata o 31 de marzo deste ano, momento no que se analizarán a nivel galego os compromisos que existan de orzamento e pode procederse a unha redistribución de fondos entre grupos”, explican. Tendo isto en conta, desde o GDR da Mariña agardan poder recibir máis fondos e atender a todos os proxectos que se presenten ata esa data”, explican desde o grupo.
Entre os proxectos que se subvencionarán no 2015 con cargo ao programa Leader atopamos melloras e ampliacións de empresas, principalmente forestais, de servizos agrarios, cooperativas agrarias e xestión de residuos ou un centro de ocio para persoas con discapacidade.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
